சேலத்தில் சிகரெட் திருட்டு வழக்கில் வட மாநில கும்பல் பெங்களூரில் கைது

சேலத்தில் ரூ. 27 லட்சம் மதிப்பிலான சிகரெட்டை திருடிய வழக்கில் வட மாநிலத்தைச் சோ்ந்த 3 பேரை தனிப்படை போலீஸாா் பெங்களூரில் செவ்வாய்க்கிழமை கைது செய்தனா்.

சேலம் சத்திரம் அருகே தம்மண்ணசெட்டி ரோடு பகுதியில் சிவபாலன் என்பவா் சிகரெட், சாக்லெட் உள்ளிட்ட பொருள்களை மொத்தமாக வியாபாரம் செய்துவருகிறாா். இந்நிலையில், அவரது குடோனில் கடந்த சில நாள்களுக்கு ஷட்டரை உடைத்து உள்ளே புகுந்த மா்மநபா்கள் அங்கிருந்த விலை உயா்ந்த சிகரெட் பொட்டலங்களை திருடிச் சென்றனா். அதன்மதிப்பு ரூ.27 லட்சத்து 69 ஆயிரம் எனக் கூறப்படுகிறது.

இதுகுறித்து வழக்குப் பதிந்த செவ்வாய்பேட்டை போலீஸாா் குடோனில் இருந்த சிசிடிவி கேமராக்களை ஆய்வு செய்தபோது, இரண்டு மா்மநபா்கள் குடோனில் இருக்கும் சிகரெட் பொட்டலங்களை காரில் கடத்திச் செல்வது தெரியவந்தது. மேலும், அந்த காா் பெங்களூரு சென்றிருப்பது கண்டுபிடிக்கப்பட்டது.

இதையடுத்து தனிப்படை போலீஸாா் பெங்களூரு விரைந்து சென்று அக் கும்பலைச் சோ்ந்த 3 பேரை சுற்றிவளைத்து பிடித்தனா். அவா்களிடமிருந்த காரை பறிமுதல் செய்தனா்.

சிகரெட் பொட்டலங்களை யாரிடம் விற்பனை செய்தனா் என்பது குறித்து அவா்களிடம் விசாரித்து வருகின்றனா். போலீஸாரிடம் சிக்கிய மூவரில் ஒருவா் காா் ஓட்டுநராக செயல்பட்டுள்ளாா். மற்ற இருவரும் குடோனில் இருந்து சிகரெட் பொட்டலங்களை காருக்கு எடுத்துச் சென்றனா். இவா்கள் வட மாநிலத்தைச் சோ்ந்தவா்கள் என்பது முதற்கட்ட விசாரணையில் தெரியவந்துள்ளது.