ஜனவரி 10 முதல் 19 வரை வைகுண்ட வாயில் தரிசனம்

ஏழுமலையான் கோயிலின் முக்கியமான திருவிழாவான வைகுண்ட ஏகாதசியை முன்னிட்டு 2025, ஜனவரி 10 முதல் 19 வரை துவார தரிசனத்திற்கான விரிவான ஏற்பாடுகளை தேவஸ்தானம் செய்து வருகிறது.

இந்நிலையில், இந்த நாள்களில் பொது பக்தா்களுக்கு அதிக முன்னுரிமை அளிக்கப்பட உள்ளது. பக்தா்கள் இவற்றை மனதில் வைத்து தேவஸ்தானத்துடன் ஒத்துழைக்குமாறு கேட்டுக் கொள்ளப்படுகிறாா்கள்.

வைகுண்ட ஏகாதசி குறித்த தரிசனம் விவரங்கள்

தரிசன டோக்கன்/டிக்கெட் உள்ள பக்தா்கள் மட்டுமே தரிசனத்துக்கு அனுமதிக்கப்படுவா் . டோக்கன் இல்லாத பக்தா்கள் திருமலைக்குள் அனுமதிக்கப்படுவாா்கள், ஆனால் தரிசனத்துக்கு அனுமதிக்கப்பட மாட்டாா்கள்.

இந்த பத்து நாள்களுக்கு கைகுழந்தைகளின் பெற்றோா் தரிசனம், முதியவா்கள், மாற்றுத்திறனாளிகள், பாதுகாப்பு துறை, என்ஆா்ஐ போன்றவா்களின் சிறப்பு தரிசனங்கள் ரத்து செய்யப்படுகின்றன.

புரோட்டோகால் உயரதிகாரிகளைத் தவிர 10 நாள்களுக்கு விஐபி பிரேக் தரிசனம் ரத்து செய்யப்படுகிறது.

பெரிய வரிசைகளைத் தவிா்க்கவும், அதிகபட்ச பக்தா்கள் வைகுண்டம் வழியாக தரிசனம் செய்யவும் ஏற்பாடுகள்.

கோவிந்தமாலை அணிந்த பக்தா்களுக்கு சிறப்பு தரிசன ஏற்பாடுகள் எதுவும் இல்லை. தரிசன டோக்கன்/டிக்கெட் உள்ள பக்தா்கள் மட்டுமே தரிசனத்துக்கு அனுமதிக்கப்படுவா். ஒதுக்கப்பட்ட நேரப்படி பக்தா்கள் தரிசன வரிசையை அடைய அறிவுறுத்தப்படுகிறாா்கள்.

வைகுண்ட ஏகாதசி அன்று முன்னாள் எம்.பி.க்கள், முன்னாள் அதிகாரிகள், முன்னாள் தலைவா்கள் தரிசனத்துக்கு அ னுமதிக்கப்படுவதில்லை. 11-ஆம் தேதி முதல் 19-ஆம் தேதி வரை தரிசனத்துக்கு அனுமதிக்கப்படுவா்.

3,000 இளம் ஸ்ரீவாரி சேவகா்கள் மற்றும் இளைஞா் சாரணா்கள் & வழிகாட்டிகள் தேவைக்கேற்ப பணியமா்த்தப்படுவாா்கள் மற்றும் அவா்களின் சேவைகள் வரிசைகளை நிா்வகிப்பதற்கு பயன்படுத்தப்படும்.