டங்ஸ்டன் சுரங்கத்துக்கு எதிா்ப்பு: அரிட்டாப்பட்டியில் திரண்ட கிராம மக்கள்

மதுரைமாவட்டம், மேலூா் வட்டம், அரிட்டாப்பட்டியில் டங்ஸ்டன் கனிமச் சுரங்கம் அமைக்க எதிா்ப்புத் தெரிவித்து கிராம மக்கள் வியாழக்கிழமை மந்தையில் திரண்டதால் பரபரப்பு ஏற்பட்டது.

மதுரை மாவட்டம், மேலூா் வட்டத்தில் அரிட்டாபட்டி உள்ளிட்ட 2,015 ஏக்கா் பகுதிகளில் டங்ஸ்டன் சுரங்கம் அமைக்க வேதாந்தா நிறுவனத்தின் கிளை நிறுவனமான இந்துஸ்தான் ஜிங்க் நிறுவனத்துக்கு மத்திய அரசு அனுமதி வழங்கியுள்ளதாக செய்திகள் வந்ததால், அரிட்டாபட்டி கிராம மக்கள் வியாழக்கிழமை மந்தையில் கூடி ஆலோசனை நடத்தினா்.

இதில் உள்ளாட்சி தினனத்தன்று நடைபெறவுள்ள கிராம சபைக் கூட்டத்தில் இந்த சுரங்கத் திட்டத்துக்கு எதிா்ப்புத் தெரிவித்து, தீா்மானம் நிறைவேற்றுவது என முடிவெடுத்தனா்.