டி20 தொடா்: முழுமையாக வென்றது இங்கிலாந்து

மேற்கிந்தியத் தீவுகளுக்கு எதிரான 3-ஆவது டி20 ஆட்டத்தில் இங்கிலாந்து 37 ரன்கள் வித்தியாசத்தில் வெற்றி பெற்றது. இதன் மூலமாக, 3 ஆட்டங்கள் கொண்ட தொடரை அந்த அணி 3-0 என முழுமையாக வென்று சாம்பியன் ஆனது.

இந்திய நேரப்படி செவ்வாய்க்கிழமை நள்ளிரவு நிறைவடைந்த ஆட்டத்தில் முதலில் இங்கிலாந்து 20 ஓவா்களில் 3 விக்கெட்டுகள் இழப்புக்கு 248 ரன்கள் சோ்க்க, மேற்கிந்தியத் தீவுகள் 20 ஓவா்களில் 8 விக்கெட்டுகள் இழந்து 211 ரன்களே எடுத்தது.

முன்னதாக டாஸ் வென்ற மேற்கிந்தியத் தீவுகள், பந்துவீச்சை தோ்வு செய்தது. இங்கிலாந்து இன்னிங்ஸை தொடங்கிய ஜேமி ஸ்மித், பென் டக்கெட் கூட்டணி, முதல் விக்கெட்டுக்கு 120 ரன்கள் சோ்த்தது. இதில் ஸ்மித் 26 பந்துகளில் 4 பவுண்டரிகள், 5 சிக்ஸா்களுடன் 60 ரன்களுக்கு ஆட்டமிழந்தாா்.

டக்கெட் 46 பந்துகளில் 10 பவுண்டரிகள், 2 சிக்ஸா்கள் உள்பட 84 ரன்கள் விளாசினாா். ஜாஸ் பட்லா் 1 பவுண்டரி, 2 சிக்ஸா்களுடன் 22 ரன்களுக்கு ஆட்டமிழந்தாா்.

ஓவா்கள் முடிவில் கேப்டன் ஹேரி புரூக் 2 பவுண்டரிகள், 2 சிக்ஸா்களுடன் 35, ஜேக்கப் பெத்தெல் 1 பவுண்டரி, 4 சிக்ஸா்களுடன் 36 ரன்களுக்கு ஆட்டமிழக்காமல் இருந்தனா். மேற்கிந்தியத் தீவுகள் தரப்பில் அகீல் ஹுசைன், குடாகேஷ் மோட்டி, ஷொ்ஃபேன் ரூதா்ஃபோா்டு ஆகியோா் தலா 1 விக்கெட் சாய்த்தனா்.

அடுத்து 249 ரன்களை வெற்றி இலக்காகக் கொண்டு விளையாடிய மேற்கிந்தியத் தீவுகள் இன்னிங்ஸில் கேப்டன் ஷாய் ஹோப் 3 பவுண்டரிகள், 3 சிக்ஸா்களுடன் 45 ரன்கள் சோ்த்து வீழ்ந்தாா்.

ஷிம்ரன் ஹெட்மயா் 1 பவுண்டரி, 3 சிக்ஸா்களுடன் 26, ஜேசன் ஹோல்டா் 3 சிக்ஸா்களுடன் 25 ரன்களுக்கு பெவிலியன் திரும்பினா். எவின் லீவிஸ் 9, ஜான்சன் சாா்லஸ் 9, ஷொ்ஃபேன் ரூதா்ஃபோா்டு 1, ரொமேரியோ ஷெப்பா்டு 0, குடாகேஷ் மோட்டி 1 ரன்னுக்கு ஆட்டமிழந்தனா்.

முடிவில், ரோவ்மென் பவெல் 45 பந்துகளில் 9 பவுண்டரிகள், 4 சிக்ஸா்களுடன் 79, அகீல் ஹுசைன் 1 ரன்னுடன் ஆட்டமிழக்காமல் இருந்தனா். இங்கிலாந்து பௌலா்களில் லூக் வுட் 3, ஆதில் ரஷீத் 2, பிரைடன் காா்ஸ், லியாம் டாசன், ஜேக்கப் பெத்தெல் ஆகியோா் தலா 1 விக்கெட் கைப்பற்றினா்.

84 ரன்களும் விளாசி, 2 கேட்ச்களும் பிடித்த இங்கிலாந்தின் பென் டக்கெட் ஆட்டநாயகனாகவும், 3 ஆட்டங்களிலுமாக 165 ரன்கள் சோ்த்த அதே அணியின் ஜாஸ் பட்லா் தொடா்நாயகனாகவும் தோ்வு செய்யப்பட்டனா்.