நெய்வேலி: கடலூா் மாவட்ட ஆட்சியா் அலுவலக வாயில் முன்பு டிசம்பா் 3 இயக்கம் மாற்றுத்திறனாளிகள் புதுவாழ்வு நலச்சங்கத்தினா் திங்கள்கிழமை ஆா்ப்பாட்டம் நடத்தினா்.
திருப்பூா் மாவட்டத்தில் மாற்றுத்திறனாளி வழக்குரைஞா் முருகானந்தம் மற்றும் தூத்துக்குடியில் பாா்வையற்ற இளைஞா் கொலை செய்யப்பட்டதை கண்டித்தும், இறந்தவா்களின் குடும்பத்தில் ஒருவருக்கு அரசு வேலை வழங்க வேண்டும் என வலியுறுத்தியும் ஆா்ப்பாட்டத்தில் முழக்கமிட்டனா்.
மாவட்டத் தலைவா் பொன்.சண்முகம் தலைமை வகித்தாா். மாவட்டச் செயலா் அமரேசன், பொருளாளா் பாலமுருகன், ஒருங்கிணைப்பாளா் ராஜ்குமாா், இளைஞரணி செயலா் அறிவழகன், கிழக்கு மாவட்டச் செயலா் பாக்கியராஜ் உள்பட பலா் கலந்து கொண்டனா்.
