'ட்ரம்ப் பார்ட்னர் நான்' - ட்ரம்பை கொல்ல இருமுறை ஈரான் முயற்சியா? - நெதன்யாகு குற்றச்சாட்டு என்ன?
Admin
- 6 hours ago
இஸ்ரேல் - ஈரான் இடையே தாக்குதல்கள் தொடர்ந்து வருகிறது. நேற்று இஸ்ரேல் பிரதமர் நெதன்யாகு ஃபாக்ஸ் நியூஸ் செய்தி சேனலுக்கு நேர்காணல் ஒன்றை தந்துள்ளார். அதில் அவர் அமெரிக்க அதிபர் ட்ரம்பை ஈரான் இரண்டு முறை கொலை செய்ய முயற்சித்ததாக பரபரப்பு குற்றச்சாட்டை முன் வைத்துள்ளார்.
நெதன்யாகு பேசியது என்ன?
"ட்ரம்பை ஈரான் கொல்ல வேண்டும் என்று நினைக்கிறார்கள். ஈரான் இரண்டு முறை அமெரிக்க அதிபர் ட்ரம்பை கொலை செய்ய முயற்சி செய்திருக்கிறார்கள்.
இவர்கள் தான் அணு ஆயுதம் வைத்துகொள்ள வேண்டுமா மற்றும் உங்கள் நகரங்களுக்கு அனுப்ப வேண்டுமா?
ட்ரம்ப் ஒரு தீர்க்கமான தலைவர். அவர் ஈரானுடன் மற்றவர்களைப் போல பலவீனமான பேச்சுவார்த்தையை நடத்தவில்லை. அவர்களுக்கு பணம் கொடுக்கவில்லை. அதற்கு பதிலாக, அவர் ஈரானின் போலி அணு ஆயுதத்தை ரத்து செய்தார். மேலும், ஈரானின் ஜெனரல் காசிம் சுலைமானியை கொல்ல உத்தரவிட்டார்.
'நீங்கள் அணு ஆயுதத்தை தயாரிக்கக் கூடாது. அதனால், யுரேனியத்தை உங்கள் நாட்டில் அதிகப்படுத்தக்கூடாது' என்று தெளிவாகவும் தெரிவித்துவிட்டார்.
அதனால் தான், ஈரானுக்கு ட்ரம்ப் நம்பர் ஒன் எதிரி. அவரை கொல்ல முயற்சிக்கிறார்கள்".
நெதன்யாகுவைக் கொல்ல முயற்சியா?
அதே நேர்காணலில், "என்னையும் ஈரான் கொல்ல முயற்சித்தது. அவர்களது ஏவுகணை என்னுடைய பெட்ரூமின் ஜன்னலைத் தாக்கியது. ஈரானை எதிர்கொள்வதில், ட்ரம்பிற்கு நான் 'ஜூனியர் பார்ட்னர்'. ஈரானின் அணு ஆயுத முயற்சிக்கு எதிராக நான், ட்ரம்ப் இருவருமே வலுவாக நிற்கிறோம்" என்று பேசியுள்ளார்.
