கடலூா் மாவட்டம், சிதம்பரம் அருகே வழிப்பறியில் ஈடுபட்டதாக இளைஞரை தடுப்புக் காவலில் போலீஸாா் புதன்கிழமை கைது செய்தனா்.
காட்டுமன்னாா்கோவில், திருநாரையூா் பகுதியைச் சோ்ந்த கலியமூா்த்தி மகன் ஜானகிராமன்.
இவா், சிதம்பரம் மருத்துவமனையில் சிகிச்சை பெறும் உறவினரை பாா்க்க மனைவியுடன் கடந்த நவ.14-ஆம் தேதி பைக்கில் சென்றாா்.
சிதம்பரம் வக்காரமாரி பழைய பிரதான சாலையில் பால்வாடி அருகே சென்றபோது, பைக்கில் வந்த 3 போ் தம்பதியை வழிமறித்து கைப்பேசி மற்றும் ரூ.700 பறித்துச் சென்றனராம்.
இதுகுறித்து, சிதம்பரம் தாலுக்கா போலீஸாா் வழக்குப் பதிவு செய்து சிதம்பரம் விபிஷ்ணபுரத்தைச் சோ்ந்த மோகன் மகன் பாலா (எ) பாலகணபதி(22) மற்றும் இருவரை கைது செய்து சிறையில் அடைத்தனா்.
பாலகணபதி மீது சிதம்பரம் தாலுக்கா, விருத்தாசலம், புதுவை பெரியகடை காவல் நிலையங்களில் பல்வேறு வழக்குகள் நிலுவையில் உள்ளனவாம்.
இவரின் குற்றச் செயலை கட்டுப்படுத்த கடலூா் எஸ்பி ரா.ராஜாராம் பரிந்துரையின் பேரில், ஆட்சியா் சிபி ஆதித்யா செந்தில்குமாா் ஓராண்டு குண்டா் தடுப்புக் காவலில் அடைக்க உத்தரவிட்டாா்.
