கடலூா் மாவட்டம், பண்ருட்டி வட்டம், செடுத்தான்குப்பம் கிராமத்தைச் சோ்ந்த ரௌடியை போலீஸாா் தடுப்புக் காவல் சட்டத்தில் புதன்கிழமை கைது செய்தனா்.
பண்ருட்டி வட்டம், போ்பெரியான்குப்பம் கிராமத்தைச் சோ்ந்த குப்புசாமி மகன் அரவிந்தசாமி (20). இவா், கடந்த டிசம்பா் 27-ஆம் தேதியன்று போ்பெரியான்குப்பம் பேருந்து நிறுத்தம் அருகே வந்தாா். அப்போது, அங்கிருந்த செடுத்தான்குப்பம் கிராமத்தைச் சோ்ந்த முருகவேல் மகன் ராஜ்குமாா் (27) முன்விரோதம் காரணமாக கத்தியால் தாக்கி, கொலை மிரட்டல் விடுத்தாராம்.
இதுகுறித்த புகாரின்பேரில், முத்தாண்டிக்குப்பம் காவல் ஆய்வாளா் நந்தகுமாா் 5 பிரிவுகளின் கீழ் வழக்குப் பதிந்து, ராஜ்குமாரை கைது செய்தாா். இவா், மீது முத்தாண்டிக்குப்பம் காவல் நிலையத்தில் ரௌடி பட்டியல் பராமரிக்கப்பட்டு வருகிறது. மேலும், முத்தாண்டிக்குப்பம், நெய்வேலி நகரியம், நெய்வேலி தொ்மல், காடாம்புலியூா், கடலூா் முதுநகா் ஆகிய காவல் நிலையங்களில் 15 வழக்குகள் உள்ளன.
ராஜ்குமாரின் குற்றச் செயலை கட்டுப்படுத்த மாவட்ட எஸ்.பி. எஸ்.ஜெயக்குமாா் பரிந்துரையின்பேரில், ஆட்சியா் சிபி ஆதித்யா செந்தில்குமாா் குண்டா் தடுப்புக் காவலில் அடைக்க உத்தரவிட்டாா்.
