``தடைகளும், வரிகளும் பிரச்னையை தீர்க்காது, மேலும் மோசமாக்கும்'' - ட்ரம்புக்கு சீனா பதிலடி
Admin
- 1 hours ago
"ரஷ்யா - உக்ரைன் போரை நிறுத்த, நேட்டோ நாடுகள் சீனா மீது 50 - 60 சதவிகித வரி விதிக்க வேண்டும். நேட்டோ நாடுகள் ரஷ்யாவில் இருந்து எண்ணெய் இறக்குமதி செய்யக்கூடாது. ரஷ்யா மீது வரி விதிக்க வேண்டும்" என்று நேற்று ட்ரம்ப் நேட்டோ நாடுகளுக்கு கடிதம் எழுதியிருந்தார்.
சீனாவின் பதிலடி
இதற்கு பதிலடி தரும் விதமாக, நிகழ்ச்சி ஒன்றில், சீனா வெளியுறவுத் துறை அமைச்சர் வாங் யி, "சீனா அமைதியை நிலைநாட்டுவதிலும், முக்கிய பிரச்னைகளைப் பேச்சுவார்த்தை மூலம் தீர்ப்பதிலும் முனைப்பாக இருக்கிறது.
போர் எந்தப் பிரச்னையையும் தீர்க்காது. தடைகளும், வரிகளும் பிரச்னைகளை இன்னும் மோசமாக்கும்" என்று பேசியுள்ளார்.
நடவடிக்கை எடுக்காத அமெரிக்கா
ரஷ்யாவில் இருந்து எண்ணெய் இறக்குமதி செய்வதற்காக ரஷ்யா மீது எந்தவொரு வரியையும் இன்னும் அமெரிக்கா விதிக்கவில்லை.
மேலே குறிப்பிட்டுள்ள கடிதத்தில் கூட, நேட்டோ நாடுகள் ரஷ்யா, சீனா மீது வரியை விதித்தால் தான், அமெரிக்கா விதிக்கும் என்று குறிப்பிட்டிருந்தார்.
ட்ரம்பின் இந்தக் கடிதத்திற்கு நேட்டோ நாடுகள் எப்படி பதிலளிக்க உள்ளதோ?
