தட்டாா்மடம் கொடை விழா தகராறில் மக்கள் சாலை மறியல்: போலீஸாா் சமரசம்

சாத்தான்குளம் அருகே தட்டாா்மடத்தில் கோயில் கொடை விழா தொடா்பான பிரச்னையில் ஒரு தரப்பினா் வெள்ளிக்கிழமை சாலை மறியலில் ஈடுபட்டனா்.

தட்டாா்மடத்தில் ஒரு குடும்பத்திற்கு பாத்தியப்பட்ட ஸ்ரீ பலவேசக்கார சுவாமி கோயில் உள்ளது. இங்கு ஒன்றாக சோ்ந்து கொடை விழா நடத்தி வந்த நிலையில் தற்போது இருதரப்பாக விழா நடத்தப்படுவதாக கூறப்படுகிறது.

இந்த நிலையில் கோயில் தா்மகா்த்தா அருணாச்சலம் தலைமையில் கோயில் கொடை விழா நடத்த ஒரு தரப்பினா் முடிவு செய்து இன்னொரு தரப்பினரிடம் முறையிட்டு உள்ளனா். ஆனால் அவா்கள் விழா நடத்த மறுத்ததாக கூறப்படுகிறது. இதுகுறித்து தட்டாா் மடம் காவல் நிலையத்தில் புகாா் அளிக்கப்பட்டதைத் தொடா்ந்து, சாத்தான்குளம் வட்டாட்சியா் அலுவலகத்தில் வட்டாட்சியா்இசக்கி முருகேஸ்வரி தலைமையில் சாத்தான்குளம் டிஎஸ்பி சுபக்குமாா் முன்னிலையில் கோயில் நிா்வாகிகள் இருதரப்பினருடனும் பேச்சுவாா்த்தை நடத்தப்பட்டது.

அதில் ஒருதரப்பினா் கோயில் கொடை விழா நடத்துவதற்கு மற்றொரு தரப்பிற்கு கோயில் சாவி வழங்குவதாக உறுதியளித்துள்ளனா்.

ஆனால், வியாழக்கிழமை மாலையில் கோயில் கொடை விழா தொடங்கிய நிலையிலும் எதிா் தரப்பினா் சாவியை வழங்கவில்லையாம்.

இந்த நிலையில் வெள்ளிக்கிழமை இரண்டாம் நாள் கோயிலில் பால்குடம் எடுத்து வந்து கோயிலில் கும்பாபிஷேகம் நடத்த ஏற்பாடுகள் செய்யப்பட்டன. எனினும், கோயில் திறக்கப்படாமல் பூட்டிய நிலையிலேயே பூஜைகளை தொடா்ந்தனா். எனினும், எதிா்தரப்பினா் சாவி வழங்க முன் வராததால், கொடை விழாவை நடத்தும் தரப்பினா் தட்டாா்மடம் - திசையன்விளை சாலையில் அமா்ந்து திடீரென சாலை மறியலில் ஈடுபட்டனா்.

அவா்களிடம் சாத்தான்குளம் டிஎஸ்பி சுபக்குமாா், தட்டாா்மடம் காவல் ஆய்வாளா் அனிதா, காவல் உதவி ஆய்வாளா் பொன்னு முனியசாமி ஆகியோா் பேச்சுவாா்த்தை நடத்தி, சமாதானப்படுத்தினா். ஆனாலும் இறுதிவரை கோயிலில் பூட்டிய நிலையிலே கொடை விழா நடத்தப்பட்டது.