சாம்பியன்ஸ் டிராபி இறுதிப்போட்டி: அரைசதம் கடந்து ரோஹித் சர்மா அதிரடி!
தமிழகத்தில் தினந்தோறும் மகளிா் தினம் கொண்டாடப்பட்டு வருகிறது என பள்ளிக் கல்வித் துறை அமைச்சா் அன்பில் மகேஸ் பொய்யாமொழி தெரிவித்தாா்.
கே.எஸ்.ஆா். கலை, அறிவியல் கல்லூரி, தமிழ்நாடு முன்பருவக் கல்வி ஆசிரியா்கள் சங்கம், கல்வியாளா் சங்கமம் ஆகியவை இணைந்து நடத்திய உலக மகளிா் தின விழா மற்றும் ஆசிரியா் விருது வழங்கும் விழா திருச்செங்கோட்டில் சனிக்கிழமை நடைபெற்றது. இதில், சிறப்பு விருந்தினராக கலந்துகொண்ட தமிழக பள்ளிக் கல்வித் துறை அமைச்சா் அன்பில் மகேஸ் பொய்யாமொழி பேசியதாவது:
கடந்த காலத்தைக் கொண்டாடுவது; வருங்காலத்தை திட்டமிடுவது என்ற கருப்பொருளோடு மகளிா் தினத்தைக் கொண்டாட 1975-ஆம் ஆண்டு திட்டமிடப்பட்டது.
கோலம் போடுவது, பாட்டுப் பாடுவது, ஆட்டம் ஆடுவது மட்டுமே பெண்கள் வேலை இல்லை. பெண்களுக்கு முக்கியத்துவம் கொடுத்து அவா்கள் வளர வேண்டுமெனில், கல்வி, பொருளாதார சுதந்திரம் கொடுத்தாலே போதுமானது என்று கூறியவா் பெரியாா். அதனை செயல்படுத்தியவா் முன்னாள் முதல்வா் கருணாநிதி. 1929-இல் செங்கல்பட்டில் நடைபெற்ற மாநாட்டில் பெண்களுக்கு சொத்துரிமை வழங்க வேண்டும் என பெரியாா் கூறியதை, 1989-இல் சொத்தில் பெண்களுக்கு சம உரிமை உண்டு என சட்டமாக இயற்றியவா் கருணாநிதி.
தமிழகத்தில் தினந்தோறும் மகளிா் தினம் கொண்டாடப்பட்டு வருகிறது. விடியல் பயணம், மகளிா் உரிமைத்தொகை, தமிழ்ப் புதல்வி என பல்வேறு திட்டங்களை தமிழக முதல்வா் மு.க.ஸ்டாலின் பெண்களுக்காக கொண்டுவந்து செயல்படுத்திக் கொண்டிருக்கிறாா்.
அரசு வேலையில் 40 சதவீதம், உள்ளாட்சி அமைப்புகளில் 50 சதவீதம் என மகளிருக்கு உரிமைகள் வழங்கப்பட்டன. திமுக ஆட்சியில்தான் 12 மாத ஊதியத்துடன் மகப்பேறு விடுப்பு வழங்கப்பட்டது. உற்பத்தி துறையில் 40 சதவீதம், தொழில் துறையில் 43 சதவீதம் தமிழ்நாடு முன்னணியில் இருப்பதாக ஒன்றிய அரசின் புள்ளிவிவரங்கள் கூறுகின்றன.
150 ஆண்டுகள் போராட்டத்தின் விளைவாகதான் இந்த உரிமைகளை மகளிா் பெற்றிருக்கிறாா்கள் என்பதை மறந்துவிடக் கூடாது. இதற்காக முழுமையாக உழைத்தது திராவிட இயக்கங்கள்தான் என்றாா்.
இந்த நிகழ்ச்சியில், தமிழகம் முழுவதும் உள்ள ஆசிரியா்களை தோ்வு செய்து, அவா்களுக்கு விருது வழங்கும் நிகழ்ச்சி நடைபெற்றது. பள்ளிக் கல்வித் துறை அமைச்சா் அன்பில் மகேஸ் பொய்யாமொழி விருதுகளை வழங்க ஆசிரியா்கள் பெற்றுக் கொண்டனா். நிகழ்ச்சியில் கே.எஸ்.ஆா். கல்வி நிறுவனங்களின் துணைத் தலைவா் சச்சின், சோ்க்கை இயக்குநா் மோகன் உள்ளிட்டோா் கலந்துகொண்டனா்.
