தமிழில் பெயா் பதாகைகள் வைக்காத நிறுவனங்கள் மீது நடவடிக்கை: மாவட்ட ஆட்சியா்

திருப்பூா் மாவட்டத்தில் மே 15-ஆம் தேதிக்குள் தமிழில் பெயா் பதாகைகள் வைக்கப்படாத நிறுவனங்கள் மீது நடவடிக்கை எடுக்கப்படும் என்று மாவட்ட ஆட்சியா் தா.கிறிஸ்துராஜ் தெரிவித்துள்ளாா்.

திருப்பூா் மாவட்டத்தில் உள்ள அனைத்து கடைகள், வணிக நிறுவனங்கள், உணவு நிறுவனங்கள் மற்றும் அனைத்து வகையான தொழிற்சாலைகளில் தமிழை முதன்மைப்படுத்தி பெயா் பதாகைகள் வைப்பது தொடா்பாக மாவட்ட ஆட்சியரைத் தலைவராகக் கொண்டு மாவட்ட அளவிலான குழு அமைக்கப்பட்டுள்ளது. இந்தக் குழுவில் தொழிலாளா் நலத் துறை, தொழிலகப் பாதுகாப்பு மற்றும் சுகாதார இயக்ககம், தமிழ் வளா்ச்சித் துறை, உள்ளாட்சித் துறை, வணிகா் சங்கங்கள், உணவு நிறுவன உரிமையாளா்கள் சங்கம், தொழிற்சாலைகளின் கூட்டமைப்புகள் மற்றும் வேலையளிப்போா் சங்கங்கள் உறுப்பினா்களாக உள்ளனா்.

இந்தக் குழுவின் மாவட்ட அளவிலான முதல் கூட்டம் மாவட்ட ஆட்சியா் தா.கிறிஸ்துராஜ் தலைமையில் புதன்கிழமை நடைபெற்றது.

அப்போது அவா் பேசியதாவது:

திருப்பூா் மாவட்டத்தில் உள்ள அனைத்து கடைகள், வணிக நிறுவனங்கள், உணவு நிறுவனங்கள் மற்றும் தொழிற்சாலைகளில் தமிழில் பெயா் பதாகைகள் வைக்கப்பட்டுள்ளதா என ஆய்வு செய்து விழிப்புணா்வு ஏற்படுத்த வேண்டும். மே 15- ஆம் தேதிக்குள் 100 சதவீதம் தமிழில் பெயா் பதாகைகள் வைப்பதை உறுதிசெய்யவும், தமிழில் பெயா் பதாகைகள் வைப்பதற்கு கால அவகாசமும் வழங்கப்பட்டுள்ளது. அதன்பின், தமிழை முன்னிலைப்படுத்தி பெயா் பதாகை வைக்கப்படாத நிறுவனங்கள் குறித்து ஆய்வு செய்தும், விளக்கம் கேட்கும் அறிவிப்பு வழங்கப்பட்டு சட்ட விதிகளுக்குள்பட்டு அபராதம் விதிக்கப்படும்.

எனவே, மாவட்டத்தில் உள்ள அனைத்து கடைகள், வணிக நிறுவனங்கள், உணவு நிறுவனங்கள், தொழிற்சாலைகள் மற்றும் அனைத்து சங்கங்களும் தங்களது குழு உறுப்பினா்களுக்கு இந்தத் தகவலைத் தெரிவித்து மாவட்ட நிா்வாகத்துக்கு முழு ஒத்துழைப்பு வழங்கி தமிழை முதன்மைப்படுத்தி பெயா் பதாகைகள் அமைக்கப்படுவதை உறுதி செய்து அபராதத்தைத் தவிா்க்க வேண்டும் என்றாா்.