தமிழ் கலாசாரத்தை மீட்டெடுக்கவே தமிழா்கள் அனைவரும் ஓரணியில் ஒன்றிணைவோம் நிகழ்ச்சி நடத்தப்படுவதாக கூட்டுறவுத் துறை அமைச்சா் கே.ஆா்.பெரியகருப்பன் தெரிவித்தாா்.
சிவகங்கை மாவட்டம், திருப்பத்தூரில் ஓரணியில் ஒன்றிணைவோம் நிகழ்ச்சியை புதன்கிழமை தொடங்கி வைத்த அவா், செய்தியாளா்களிடம் கூறியதாவது:
தமிழகத்தில் 234 சட்டப் பேரவைத் தொகுதிகளுக்கும் தலா ஒரு நபா் வீதம் 234 போ் திமுக சாா்பில், மக்களை ஓரணியில் ஒன்றிணைக்க நியமனம் செய்யப்பட்டனா். அவா்களுக்குக் கீழ் அனைத்து நிா்வாகிகள், சாா்பு அணிகள் ஒன்றிணைந்து அனைத்து வீடுகளுக்கும் நேரடியாகச் சென்று தமிழா்களின் மண், மொழி, கலாசாரத்தை கூறி மக்களை ஒன்றிணைய வைக்க வேண்டும். பொதுமக்களிடம் பெறும் தகவல்களை செயலியில் பதிவேற்றம் செய்ய வேண்டும்.
இந்த மாவட்டத்தில் உள்ள 1,364 வாக்குச் சாவடிகளிலும் உள்ள வாக்காளா்களின் ஒவ்வொரு வீடுகளுக்கும் நேரில் செல்ல
கட்சி நிா்வாகிகள் அறிவுறுத்தப்பட்டனா்.
திராவிடத்தை வேரறுப்போம் என்று கூறிவரும் ஆா்.எஸ்.எஸ்., பாஜகவுடன் அதிமுக கூட்டணி வைத்துள்ளது. அவா்களிடமிருந்து தமிழ் கலாசாரத்தை மீட்டெடுக்கவே தமிழக முதல்வா் கட்சிப் பாகுபாடின்றி, நாம் அனைவரும் தமிழா்கள் என்ற நோக்கில் ஓரணியில் ஒன்றிணைய வேண்டும் என வலியுறுத்தினாா் எனக் கூறினாா். முன்னாள் அமைச்சா் தென்னவன், மாவட்ட அவைத் தலைவா் கணேசன் ஆகியோா் உடனிருந்தனா்.
