தமிழ்நாடு பிக்கிள்பால் ப்ரீமியா் லீக் போட்டி சென்னை ஜவாஹா்லால் நேரு உள்விளையாட்டரங்கில் சனிக்கிழமை தொடங்கியது.
இதற்கான விழாவில் மூத்த டேபிள் டென்னிஸ் வீரா் சரத் கமல், நடிகா் சதீஷ் ஆகியோா் பங்கேற்ற லீக் தொடரை தொடங்கி வைத்தனா்.
தமிழ்நாடு விளையாட்டு மேம்பாட்டு ஆணைய உறுப்பினா் செயலா் ஜெ. மேகநாத ரெட்டி பேசியது: அனைத்து வீரா், வீராங்கனைகளுக்கும் சரியான அளவில் விளையாடுவதற்கான வாய்ப்பை உருவாக்கி வருகிறோம். பிக்கிள் பால் தற்போது அதிகளவில் பிரபலமடைந்து வருகிறது. தொடா்ந்து தமிழக அரசு பல்வேறு விளையாட்டுகளுக்கு தேவையான வசதிகளை செய்து தருகிறது. இதனால் தேசிய, சா்வதேச வீரா், வீராங்கனைகள் உருவாகி வருகின்றனா் என்றாா்.
இரண்டு நாள்கள் லீக் தொடரில் மொத்தம் 16 அணிகள் பங்கேற்றுள்ளன. ஒவ்வொரு அணியிலும் திறனையான 10 வீரா்கள் இடம் பெற்றுள்ளனா். எம்ஜிஎம் பிக்கிள் பால் தொடா் அனைவரையும் கவரும் என லீக் செயலாளா் மொகித் குமாா் நம்பிக்கை தெரிவித்தாா்.
