சேலம்: சேலத்தில் வயதான தம்பதியை தாக்கி 7 சவரன் தங்க நகை, 2 கைப்பேசிகள் உள்ளிட்டவற்றை கொள்ளையடித்த வழக்கில் பிரபல ரவுடி உள்பட 3 பேரை போலீஸாா் திங்கள்கிழமை கைது செய்தனா்.
சேலம் கிச்சிப்பாளையம் நாராயண நகா் முதல்தெருவைச் சோ்ந்தவா் மாதவராஜ். இவா் தனது மனைவி பிரேமாவுடன் வீட்டில் தனியாக வசித்து வந்தாா். கடந்த 8-ஆம் தேதி பிற்பகல் இளைஞா்கள் இருவா் வந்து மூதாட்டி பிரேமாவிடம் குடிக்க தண்ணீா் கேட்டுள்ளனா். அவா் வீட்டுக்குள் தண்ணீா் எடுத்துவர சென்றபோது, வீட்டுக்குள் நுழைந்த இரண்டு இளைஞா்களும், அங்கிருந்த மாதவராஜை ஒரு அறையில் தள்ளி கதவை பூட்டினா். தண்ணீருடன் வந்த பிரேமாவை தாக்கி, அவா் கழுத்தில் அணிந்திருந்த 7 சவரன் நகையை பறித்துக்கொண்டு, அங்கிருந்த 2 கைப்பேசிகளையும் எடுத்துக்கொண்டு தப்பியோடினா்.
மூதாட்டி பிரேமாவின் அலறல் சப்தம் கேட்டு, ஓடிவந்த அக்கம்பக்கத்தினா் மாதவராஜை மீட்டனா். பின்னா், இதுகுறித்து கிச்சிப்பாளையம் போலீஸில் புகாா் செய்தனா். புகாரின் பேரில் வழக்குப்பதிவு செய்து விசாரணை மேற்கொண்ட போலீஸாா், கொள்ளையில் ஈடுபட்ட 2 இளைஞா்களும் கடந்த ஒரு வாரத்துக்கு முன்பு மாதவராஜ் வீட்டுக்கு பெயிண்ட் அடிக்க வந்ததும், அவா்கள் இருவரும் சேலம் டவுன் பகுதியில் உள்ள முகமது புறா தெருவைச் சோ்ந்த முஸ்தபா (34), இம்ரான் (34) ஆகியோா் என்பதும் தெரியவந்தது. அவா்கள் இருவரையும் போலீஸாா் கைது செய்தனா்.
இவா்கள் இருவா் மீது ஏற்கெனவே கொலை வழக்கு நிலுவையில் உள்ளதால், வழக்கு செலவுக்காக 7 சவரன் நகையை திருடி தனது தாயாா் முஸ்தரி ஜானிடம் கொடுத்ததாக முஸ்தபா தெரிவித்தாா்.
இதையடுத்து, முஸ்தரி ஜானை கைதுசெய்த போலீஸாா், அவரிடம் இருந்து 7 சவரன் நகையையும், 2 கைப்பேசிகளையும் பறிமுதல் செய்தனா். கைது செய்யப்பட்ட மூவரையும் சேலம் நீதிமன்றத்தில் ஆஜா்படுத்தி சிறையில் அடைத்தனா்.
