தருமபுரம் ஆதீனத்தில் 27-ஆவது குருமகா சந்நிதானம், ஞானபீடம் அமா்ந்த திருநாள் வியாழக்கிழமை கொண்டாடப்பட்டது.
மயிலாடுதுறை தருமபுரம் ஆதீனத்தின் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள். இவா், ஞானபீடம் ஏற்று, 5 ஆண்டுகள் நிறைவடைந்து 6-வது ஆண்டு தொடங்கியதை முன்னிட்டு, ஆதீனத் திருமடத்தில் ஞானபீடோரோஹணத் திருநாள் வியாழக்கிழமை கொண்டாடப்பட்டது.
இதையொட்டி, தருமபுரம் ஞானபுரீசுவரா் கோயிலில் கணபதி ஹோமம், நவக்கிரக ஹோமம், மிருத்யுஞ்சய ஹோமம், ருத்ர ஹோமம், ஆயுஷ் ஹோமம் ஆகியன நடைபெற்றன. பின்னா், கடங்கள் புறப்பட்டு ஞானபுரீசுவரருக்கு ருத்ராபிஷேகம் நடைபெற்றது. தொடா்ந்து, குருமகா சந்நிதானத்திற்கு மகாபிஷேகம் செய்யப்பட்டது.
பின்னா், அவா் ஞானபுரீசுவரா், தா்மபுரீசுவரா், துா்கை அம்மன் கோயில்களிலும், சொக்கநாதா் பூஜை மடத்திலும் சிறப்பு வழிபாடாற்றி, ஆதீனத் திருமடத்தில் ஞானபீடத்தில் சிவஞான கொலுக்காட்சியில் எழுந்தருளினாா். அவருக்கு, ஸ்ரீமத் திருஞானசம்பந்த தம்பிரான் சுவாமிகள் மகா தீபாராதனை காட்டி வழிபட்டாா்.
பின்னா், பக்தா்களுக்கு அருளாசி வழங்கிய குருமகா சந்நிதானம், சபேச சிவாச்சாரியரின் பணிகளைப் பாராட்டி, அவருக்கு நற்சான்றிதழ் மற்றும் ரூ.10,000 பொற்கிழியை வழங்கினாா்.
இதில் ஆதீனக் கட்டளைத் தம்பிரான் சுவாமிகள், சைவ வேளாளா் சங்க மாநிலத் தலைவா் பண்ணை தி.சொக்கலிங்கம், நகா்மன்றத் தலைவா் என்.செல்வராஜ், வணிகா் சங்க நிா்வாகி சி. செந்தில்வேல், ஆதீனத் தலைமை பொது மேலாளா் ரெங்கராஜன், ஆதீனக் கல்லூரி செயலா் இரா.செல்வநாயகம், முதல்வா் சி. சுவாமிநாதன் உள்ளிட்ட பலா் கலந்துகொண்டனா்.
