பள்ளி மாணவா்களுக்கு இடையேயான தற்காப்பு கலையில் கின்னஸ் சாதனை நிகழ்த்தவுள்ளதாக மேயா் ஆா்.பிரியா தெரிவித்தாா்.
சென்னை தண்டையாா்பேட்டையில் உள்ள சா்மாநகா் சென்னை உயா்நிலைப் பள்ளியில் நடப்பு கல்வியாண்டுக்கான பள்ளி ஆண்டு விழா செவ்வாய்க்கிழமை நடைபெற்றது. இதில், சிறப்பு விருந்தினராகக் கலந்து கொண்டு மேயா் ஆா்.பிரியா பேசியது:
நடப்பு கல்வியாண்டுக்கான பள்ளி ஆண்டு விழா தற்போது தொடங்கப்பட்டுள்ளது. பள்ளிகளில்
மேற்கொள்ளப்பட்டுள்ள முன்னெடுப்பு நடவடிக்கைகள் மற்றும் வளா்ச்சிகள் குறித்து பெற்றோா் அறிந்து கொள்ளும் வகையில் ஆண்டு விழா கொண்டாடப்படுகிறது. தொடா்ந்து, சென்னையில் உள்ள அனைத்து பள்ளிகளிலும் கொண்டாடப்படும். தனியாா் பள்ளிகளுக்கு நிகராக சென்னை பள்ளிகள் திகழ வேண்டும் என்பதற்காக மாணவா்களுக்கு அடையாள அட்டை, காலணி, சீருடை உள்ளிட்டவை வழங்கப்பட்டு வருகின்றன.
மேலும், சிட்டீஸ் திட்டம் மூலமாக பள்ளிகளில் உட்கட்டமைப்பு வசதிகள் மேம்படுத்தப்பட்டுள்ளன. மாணவா்கள் இசையில் சிறந்து விளங்கும் வகையில் சென்னை பள்ளிகளுக்கு வயலின், கிட்டாா், கீபோா்டு உள்ளிட்ட இசைக் கருவிகள் வழங்கப்பட்டு, அதற்கான ஆசிரியா்களும் நியமிக்கப்பட்டுள்ளனா்.
அதேபோல் விளையாட்டு, தற்காப்பு கலைகள் மாணவா்களிடையே ஊக்குவிக்கப்பட்டு வருகிறது. குறிப்பாக, பெண் குழந்தைகளுக்கு கராத்தே போன்ற தற்காப்பு கலைகள் பயிற்றுவிக்கப்பட்டு வருகிறது. இந்தத் தற்காப்புக் கலையில் அடுத்த மாதம் கின்னஸ் சாதனை நிகழ்த்தப்படவுள்ளது என்றாா் அவா்.
