தாராசுரத்தில் அடிப்படை வசதிகள் இல்லாத தங்கவேல் சுப்பையா நகா் குடியிருப்பு பகுதி

கும்பகோணம் அருகே தாராசுரத்தில் தங்கவேல் சுப்பையா நகா் குடியிருப்புவாசிகள் அடிப்படை வசதிகள் இல்லாததால் அவதி அடைந்து வருகிஅன்றனா்.

கும்பகோணம் மாநகராட்சியில் 35-ஆவது வாா்டு பகுதியில் தாராசுரம்-எலுமிச்சங்காபாளையம் செல்லும் சாலையில் அமைந்துள்ளது தங்கவேல் சுப்பையா நகா். இந்த நகா், தமிழக அரசின் நகர ஊரமைப்பு துறையின் அங்கீகாரம் பெற்ற பகுதியாகும். மாநகராட்சியில் இணைவதற்கு முன்பாகவே பேரூராட்சியாக இருந்த பொழுது, தாராசுரம் பேரூராட்சிக்கு சிறுவா் பூங்கா, விளையாட்டு மைதானம் 30 அடி அகல சாலைகள் 600 அடி நீள சாலைகள் என இப் பகுதி மக்கள் ஒப்படைப்பு செய்துள்ளனா்.

100 குடியிருப்புகளுக்கு மேல் உள்ள தங்கவேல் சுப்பையா நகரில், தற்போது வரை மின்சாரம், தெரு விளக்கு, குடிநீா், சாலை, மழை நீா் வடிகால் வசதி போன்ற அடிப்படை வசதி செய்து தரப்படவில்லை.

இப்பகுதியைச் சோ்ந்த இளைஞா் முஸ்தபா என்பவா் கூரியதாவது: தங்கவேல் சுப்பையா நகா் அரசு அங்கீகாரம் பெற்ற வீட்டுமனையாக இருப்பதால்தான், இங்கே இடத்தை வாங்கி வீடு கட்டி, கடந்த 8 ஆண்டுகளாக குடியிருந்து வருகிறோம். அடிப்படை வசதிகள் இல்லாத காரணத்தால் இப்பகுதியில் வீட்டுமனை வாங்கியவா்கள் யாரும் வீடு கட்ட முன்வரவில்லை. மின் இணைப்பு தொடா்பாக மின் வாரிய அலுவலகத்தில் தொடா்பு கொண்ட போது, வாய் மொழியாக ஒரு இணைப்புக்கு ரூ.1 லட்சம் வரை செலவாகும் என்றனா். மேலும், மாநகராட்சி அதிகாரிகளிடம் அடிப்படை வசதிகோரி பலமுறை மனு அளித்தும் எவ்வித நடவடிக்கையும் இல்லை என்றாா் அவா்.

எனவே, மாவட்ட ஆட்சியா், மாநகராட்சி நிா்வாகத்தினா், இப்பகுதியில் அடிப்படை வசதிகளை செய்து தர நடவடிக்கை எடுக்கவேண்டுமென இப்பகுதியினா் கோரிக்கைவிடுத்துள்ளனா்.