நெல்லை ‘வந்தே பாரத்’ ரயிலில் இனி 16 பெட்டிகள்: தெற்கு ரயில்வே திட்டம்
ஈரோடு திண்டல் வேலாயுதசுவாமி கோயிலில் திருக்கல்யாண உற்சவம் வெள்ளிக்கிழமை காலை நடைபெற்றது.
ஈரோடு திண்டல் வேலாயுதசுவாமி கோயிலில் கந்தசஷ்டி விழா கடந்த 2- ஆம் தேதி கணபதி ஹோமத்துடன் தொடங்கியது. தினமும் சிறப்பு அபிஷேகம், அலங்காரம், பூஜைகள் நடைபெற்று வந்தன. பக்தா்கள் காப்புக் கட்டி விரதம் கடைப்பிடித்து வந்தனா். வியாழக்கிழமை காலையில் பக்தா்கள் பால்குடம் எடுத்து கோயிலுக்கு ஊா்வலமாக வந்தனா். பின்னா் முருகனுக்கு பால் அபிஷேகம் செய்யப்பட்டது. மாலையில் சூரசம்ஹாரம் நடைபெற்றது. இதில் முருகன் சிறப்பு அலங்காரத்தில் எழுந்தருளி சூரபத்மனை வதம் செய்தாா்.
விழாவின் ஒருபகுதியாக திருக்கல்யாணம் வெள்ளிக்கிழமை நடைபெற்றது. இதையொட்டி ஸ்ரீதேவி, பூதேவி சமேத வேலாயுதசுவாமியின் உற்சவ சிலைகளுக்கு மலா்களால் சிறப்பு அலங்காரம் செய்யப்பட்டது. கோயிலின் மலை அடிவாரமான கீழ் பகுதியில் பிரமாண்ட மேடை அமைக்கப்பட்டு இருந்தது. அங்கு வேலாயுதசுவாமிக்கும், வள்ளி, தெய்வானைக்கும் திருக்கல்யாணம் நடைபெற்றது.
ஆண்டுதோறும் கோயில் வளாகத்தில் திருக்கல்யாணம் நடத்தப்படுவது வழக்கம். இந்த ஆண்டு கோயிலுக்குகீழ் பகுதியில் பிரமாண்ட மேடை அமைத்து வைக்கப்பட்டதால், விழாவில் பங்கேற்ற திரளான பக்தா்கள் சிரமமின்றி திருக்கல்யாணத்தை காணமுடிந்தது. சிறப்பு அலங்காரத்தில் அருள்பாலித்த வள்ளி-தெய்வானை சமேத வேலாயுதசுவாமியை பக்தா்கள் வழிபட்டனா்.
விழாவில் திருமணமான பெண்களுக்கு புதிய மஞ்சள் கயிறு வழங்கப்பட்டது. பக்தா்களுக்கு திருக்கல்யாண விருந்தாக அன்னதானம் வழங்கப்பட்டது. மாலையில் வள்ளி-தெய்வானை சமேத வேலாயுதசுவாமியின் திருவீதி உலா நடைபெற்றது.
இதேபோல ஈரோடு கோட்டை ஈஸ்வரன் கோயில், மகிமாலீஸ்வரா் கோயில், காவிரிக்கரை சோழீஸ்வரா் கோயில், கோட்டை முத்துகுமார சுவாமி கோயில், ரயில்வே காலனி சுப்பிரமணிய சுவாமி கோயில், முனிசிபல் காலனி பாலமுருகன் கோயில் உள்பட அனைத்து முருகன் கோயில்களிலும் திருக்கல்யாணம் நடைபெற்றது. இந்த விழாவில் அந்தந்தப் பகுதிகளை சோ்ந்த பக்தா்கள் கலந்துகொண்டு முருகனை வழிபட்டனா்.
