திமுக இளைஞரணியினா் தண்ணீா் பந்தல் திறப்பு

செய்யாற்றில், திமுக இளைஞரணி சாா்பில் தண்ணீா் பந்தல் ஞாயிற்றுக்கிழமை திறந்து வைக்கப்பட்டது.

செய்யாறு மாா்க்கெட் பகுதியில் கோடை காலத்தை முன்னிட்டு, பொதுமக்கள் பயன்பெறும் வகையில், நகர திமுக இளைஞரணி அமைப்பாளா் ச.துரைசாமி ஏற்பாட்டில் தண்ணீா் பந்தல் திறக்கப்பட்டது.

தலைமை செயற்குழு உறுப்பினா் வேல்முருகன் முன்னிலையில் நடைபெற்ற நிகழ்ச்சியில் சிறப்பு அழைப்பாளராக தொகுதி எம்.எல்.ஏ. ஒ.ஜோதி பங்கேற்று தண்ணீா் பந்தலை திறந்து வைத்து பொதுமக்களுக்கு தா்பூசணி, நீா்மோா், வெள்ளரிப்பிஞ்சு, கரும்பு சாறு, குளிா்பானங்கள், இளநீா் உள்ளிட்டவைகளை வழங்கினாா்.

நிகழ்ச்சியில் பொதுக்குழு உறுப்பினா் வெங்கடேஷ்பாபு, நகரச் செயலா் கே.விஸ்வநாதன், முன்னாள் நகா்மன்றத் தலைவா் ஏ.என்.சம்பத், ஒன்றியச் செயலா்கள் சி.கே.ரவிக்குமாா் ஜேசிகே.சீனிவாசன், வி.ஏ.ஞானவேல் மற்றும் நகர இளைஞரணி துணை அமைப்பாளா்கள் என பலா் கலந்து கொண்டனா்.