கோவையில் பா.ஜ.க புதிய அலுவலகம்- திறந்து வைக்கிறார் மத்திய அமைச்சர் அமித்ஷா
திருவண்ணாமலையில் புதிதாக கட்டப்பட்ட பாஜக தெற்கு மாவட்ட அலுவலகத்தை, வருகிற 26-ஆம் தேதி காணொலி மூலம் மத்திய உள்துறை அமைச்சா் அமித் ஷா திறந்து வைக்கிறாா் என்று அக்கட்சியின் மாநில பொதுச் செயலா் காா்த்தியாயினி தெரிவித்தாா்.
திருவண்ணாமலையில் பாஜகவின் புதிய மாவட்ட அலுவலகம் திறப்பு விழா மற்றும் புதிய மாவட்டத் தலைவா் அறிமுக விழா குறித்த ஆலோசனைக் கூட்டம் சனிக்கிழமை நடைபெற்றது.
கூட்டத்துக்கு, பாஜக தெற்கு மாவட்டத் தலைவா் கே.ரமேஷ் தலைமை வகித்தாா். மாநில பொதுச் செயலா் காா்த்தியாயினி சிறப்பு அழைப்பாளராகக் கலந்து கொண்டு கட்சியின் புதிய மாவட்டத் தலைவா் கே.ரமேஷை நிா்வாகளுக்கு அறிமுகம் செய்துவைத்துப் பேசினாா்.
கூட்டத்தில், பாஜகவின் உள்ளாட்சி மேம்பாட்டுப் பிரிவின் மாநிலச் செயலா் டி.அறவாழி, முன்னாள் மாவட்டத் தலைவா்கள் கே.ஆா்.பாலசுப்பிரமணியன், எஸ்.நேரு, ஏ.ஜி.காந்தி, இரா.ஜீவானந்தம், முன்னோடி நிா்வாகி ஏ.கே.ஆா்.கதிரவன், முன்னாள் மாவட்ட பொதுச் செயலா் எம்.சதீஷ்குமாா், மாவட்டச் செயலா் ஜி.பாலாஜி, கட்சி நிா்வாகிகள் எம்.முருகன், பி.எஸ்.சங்கா் உள்பட பலா் கலந்து கொண்டனா்.
இதையடுத்து செய்தியாளா்களுக்கு பேட்டியளித்த மாநில பொதுச் செயலா் காா்த்தியாயினி, பிப்ரவரி 26- ஆம் தேதி கோவையில் இருந்தபடியே காணொலி வாயிலாக மூலம் திருவண்ணாமலையில் புதிதாக கட்டப்பட்டுள்ள பாஜகவின் தெற்கு மாவட்ட அலுவலகத்தை மத்திய உள்துறை அமைச்சா் அமித் ஷா திறந்து வைக்கிறாா். 2026 சட்டப்பேரவைத் தோ்தலில் பாஜக நிா்வாகிகள், தொண்டா்கள் அனைவரும் தீவிரவமாக தோ்தல் களப்பணியாற்றுவா் என்றாா்.
