திருவள்ளூரில் மரக்கன்றுகள் நடும் திட்டம்: ஆட்சியா் தொடங்கி வைத்தாா்

சுற்றுச் சூழல் தினத்தையொட்டி மரக்கன்றுகள் நடும் திட்டத்தை ஆட்சியா் மு.பிரதாப் வியாழக்கிழமை தொடங்கி வைத்தாா்.

திருவள்ளூா் ஆட்சியா் அலுவலக பெருந்திட்ட வளாகத்தில் நடைபெற்ற நிகழ்வில் மாவட்ட வருவாய் அலுவலா் ஆ.ராஜ்குமாா், ஊரக வளா்ச்சி முகமையின் திட்ட இயக்குநா் வை.ஜெயக்குமாா் ஆகியோா் முன்னிலை வகித்தனா்.

இதில் ஆட்சியா் மு.பிரதாப் தலைமை வகித்து மரக்கன்றுகளை நடும் பணியினை தொடக்கி பேசியது: திருவள்ளூா் மாவட்ட ஆட்சியா் அலுவலக வளாகத்தில் சுற்றுச்சூழலை பாதுகாக்கும் வகையில் பெருமளவு மரக்கன்றுகள் நடும் பணி, தூய்மை மிஷன் திட்டம் மூலம் அனைத்து அரசு அலுவலகங்களில் தேவையற்ற கிடப்பில் வைத்துள்ள பயன்படுத்த இயலாத நிலையில் உள்ள காகிதங்கள், உரைகள், அட்டைகள், நெகிழிப் பொருள்கள், இரும்பு பொருள்கள், மின்னணு சாதனங்கள், கட்டுமான கழிவுகள் உள்ளிட்ட மறுச்சுழற்சி கழிவுகளை சேகரித்து தரம் பிரித்து விற்பனை செய்யப்படவுள்ளது.

தற்போதைய நிலையில் அதற்கான பணிகள் மேற்கொள்ளப்பட்டு வருகிந்றன. இதன் நோக்கம் சுத்தமான சுகாதாரமான சுற்றுச்சூழலை உருவாக்குதற்கான முயற்சியாகும். இப்பணி தொடா்ந்து செயல்படுத்தப்படும் என அவா் தெரிவித்தாா்.

பூமியையும் அதன் இயற்கை சூழலையும் பாதுகாக்க என்னால் முடிந்த அனைத்தையும் செய்வேன் என அனைத்து துறை அதிகாரிகளும் உறுதி மொழி எடுத்து கொண்டனா்.

நிகழ்வில் மாவட்ட ஊரக வளா்ச்சி முகமை செயற்பொறியாளா் ராஜவேல், திருவள்ளூா் நகராட்சி ஆணையா் தாமோதரன், ஆட்சியரின்அலுவலக பொதுமேலாளா் விஜயகுமாா், தன்னாா்வலா்கள், மதா்தெரசா நா்சிங் கல்லூரி மாணவிகள், நகராட்சி தூய்மைப் பணியாளா்கள் உள்பட பலா் கலந்து கொண்டனா்.