தீக்கிரையான வீடு சீரமைத்து ஒப்படைப்பு

காரைக்கால்: தீக்கிரையான வீட்டை தனது சொந்த செலவில் சீரமைத்து பயனாளியிடம் அமைச்சா் பி.ஆா்.என். திருமுருகன் ஒப்படைத்தாா்.

காரைக்கால் கல்லறைப்பேட் பகுதியில் கடந்த மாதம் விசாலாட்சி என்பவரது வீடு தீ விபத்தில் சேதமடைந்தது. வீட்டை புதுவை அமைச்சா் பி.ஆா்.என். திருமுருகன் பாா்வையிட்டு பாதிக்கப்பட்டவருக்கு ஆறுதல் கூறியதோடு, வீட்டை தனது சொந்த செலவில் சீரமைத்துத் தருவதாக உறுதியளித்திருந்தாா்.

அதன்படி பழுதான சுவரை சீரமைத்து, கூரை அமைத்து, வண்ணம் பூசி, மின் வசதி ஏற்படுத்தி வீட்டை அதன் உரிமையாளரிடம் அமைச்சா் திங்கள்கிழமை ஒப்படைத்தாா். அமைச்சரின் செயலுக்கு விசாலாட்சியின் குடும்பத்தினா் நன்றி தெரிவித்தனா்.