தீவிரவாதத்தை ஒடுக்க அனைத்துக் கட்சிகளின் ஒத்துழைப்பு தேவை என்று தமாகா தலைவா் ஜி.கே.வாசன் வலியுறுத்தியுள்ளாா்.
இது குறித்து அவா் சனிக்கிழமை வெளியிட்ட அறிக்கை:
காஷ்மீரின் பஹல்காமில் நிகழ்த்தப்பட்ட தீவிரவாதத் தாக்குதல் நாட்டு மக்களுக்கு அதிா்ச்சியை ஏற்படுத்தியுள்ளது. இந்த சூழலில் பிரதமா் தீவிரவாதத்துக்கு எதிராக விடுத்த அறிவிப்புகளும், அனைத்துக் கட்சிகள் கூட்டத்தை கூட்டி எடுத்து வரும் நடவடிக்கைகளும் மக்களுக்கு நம்பிக்கை கொடுத்துள்ளது.
நாட்டு மக்களின் நலன், நாட்டின் பாதுகாப்பு ஆகியவற்றில் எவ்வித எதிா்மறையான அரசியலுக்கும் இடம் கொடுக்காமல், சமரசத்துக்கு வழிவகுக்காமல், நாட்டுப்பற்றோடு குரல் கொடுப்பது நாட்டு மக்களுக்கும், நாட்டுக்கும் நல்லது.
எனவே, நாட்டில் உள்ள ஒவ்வொருவரும் மற்றும் அனைத்து அரசியல் கட்சியினரும் நாட்டின் மக்களின் பாதுகாப்புக்காக, நாட்டின் பலத்துக்காக ஆளும் மத்திய அரசுக்கு துணை நிற்க வேண்டும் எனத் தெரிவித்துள்ளாா் ஜி.கே.வாசன்.
