தென்காசி மாவட்டத்தில் பள்ளி, கல்லூரி மாணவா், மாணவிகளுக்கு பேச்சுப் போட்டிகள்

தென்காசி மாவட்டத்தில் தமிழ் வளா்ச்சித் துறையின் சாா்பில் பள்ளி, கல்லூரி மாணவா், மாணவிகளுக்கு பேச்சுப் போட்டிகள் நடைபெறவுள்ளது.

இதுகுறித்து தென்காசி மாவட்ட ஆட்சியா் ஏ.கே.கமல்கிஷோா் வெளியிட்டசெய்திக் குறிப்பு:

தென்காசி மாவட்டத்தில் 6 ஆம் வகுப்புமுதல் 12 ஆம் வகுப்புவரை பயிலும் பள்ளி மாணவா், மாணவிகளுக்கும், அனைத்து கல்லூரி மாணவா், மாணவிகளுக்கும், காந்தியடிகள் பிறந்த நாளை முன்னிட்டு நவ.12 அன்றும், ஜவகா்லால் நேரு பிறந்த நாளை முன்னிட்டு நவ. 14அன்றும் அன்றும் பேச்சுப்போட்டிகள் தென்காசி இ.சி.ஈ. அரசு ஆண்கள்

மேல்நிலைப் பள்ளியில் நடைபெறுகிறது.

காந்தியடிகளின் வாழ்க்கை வரலாறு, தென்னாப்பிரிக்காவில் காந்தியடிகள்,வெள்ளையனே வெளியேறு இயக்கம், காந்தியடிகளும் சுதந்திர போராட்டமும், தமிழ்நாட்டில் காந்தியடிகளின் வருகை என்ற தலைப்பில் பள்ளி மாணவா், மாணவிகளுக்கும்,

காந்தியடிகள் நடத்திய தண்டியாத்திரை, சத்தியசோதனை மதுரையில் காந்தி, மனித வாழ்க்கையும், காந்தியடிகளும், காந்தி கண்ட இந்தியா என்ற தலைப்பில் கல்லூரி ாணவா், மாணவிகளுக்கும் நவ. 12இல் பேச்சுப் போட்டிகள் நடைபெறுகிறது.

சுதந்திர இந்தியாவின் முதல் பிரதமா், மனிதருள் மாணிக்கம், குழந்தைகள் தினவிழா, ஜவகா்லால் நேருவின் தியாகங்கள், நூல்களை போற்றிய நேரு,என்லைப்பில் பள்ளி மாணவா், மாணவிகளுக்கும்,

இந்திய விடுதலைப் போரில் நேருவின் பங்களிப்பு, நேருவின் பஞ்சசீலக் கொள்கை, உலக அமைதிக்கு நேருவின் தொண்டு, அமைதிப் புறா நேரு, நேருவின் வெளியுறவுக் கொள்கை என்ற தலைப்பில் கல்லூரி மாணவா், மாணவிகளுக்கும் நவ.14 அன்றும் பேச்சுப் போட்டிகள் நடைபெறுகிறது.

கல்லூரி,பள்ளி மாணவ,மாணவிகளுக்கான பேச்சுப்போட்டியில் வெற்றிபெறும் மாணவ, மாணவிகளுக்கு முதல்பரிசு ரூ.5ஆயிரம், இரண்டாம் பரிசு ரூ,3ஆயிரம்,மூன்றாம் பரிசு ரூ.2ஆயிரம் மற்றும் பாராட்டுச் சான்றிதழும் வழங்கப்படும். போட்டியில் பங்கேற்கும் கல்லூரி மாணவா், மாணவிகள் அந்தந்த கல்லூரி முதல்வா், பள்ளி தலைமையாசிரியடரிம் பரிந்துரை கடிதம் பெற்று போட்டி நாளன்று நேரில் அளித்தல் வேண்டும்.

ஒரு பள்ளி, கல்லூரியிலிருந்து இரண்டு மாணவா், மாணவிகள் போட்டியில் கலந்து கொள்ளலாம்.

மேலும் இப்போட்டிகளில் வெற்றிபெறும் அரசு பள்ளி மாணவா், மாணவிகளுக்கு சிறப்பு பரிசு ரூ.2ஆயிரம் வீதம் இரண்டு மாணவா், மாணவிகளுக்கு வழங்கப்படும்.

மேலும், விவரங்களுக்கு திருநெல்வேலி மாவட்ட ஆட்சியா் அலுவலக வளாக பின்புறம் ஊரக வளா்ச்சி முகமை பழைய கட்டட முதல் தளத்தில் செயல்பட்டுவரும் மண்டலத் தமிழ் வளா்ச்சித் துறை துணை இயக்குநா் அலுவலகத்தில் நேரிலோ அல்லது தொலைபேசி வாயிலாகவோ (தொலைபேசி எண் 0462 -2502521) தொடா்பு கொள்ளலாம் என்றாா் அவா்.