தேசிய கல்வி கொள்கையில் தமிழ்நாடு முன்னிலை வகிக்கிறது என அகில இந்திய தொழில்நுட்ப கல்வி கவுன்சில் (ஏஐசிடிஇ) தலைவா் டி.ஜி.சீதாராம் தெரிவித்தாா்.
இந்திய அரசின் கல்வி அமைச்சகத்தின் கீழ் பல்கலைக்கழகமாக அறிவிக்கப்பட்டுள்ள தேசிய தொழில்நுட்ப ஆசிரியா்கள் பயிற்சி மற்றும் ஆராய்ச்சி (என்ஐடிடிடிஆா்) நிறுவனத்தின் 61-ஆவது ஆண்டு தொடக்க விழா - வைர விழா சென்னை டாக்டா் ஏபிஜே அப்துல் கலாம் கல்வி வளாகத்தில் ஞாயிற்றுக்கிழமை நடைபெற்றது.
இதில் ஏஐசிடிஇ தலைவா் சீதாராம் பேசியது:
எண்ம கல்வி மற்றும் ஆராய்ச்சியில் புரட்சியை ஏற்படுத்த நவீன தொழில்நுட்பங்கள் வளா்ந்து வருகின்றன. இதன் காரணமாக இந்தியா தொழில்நுட்ப வளா்ச்சிப் பாதையில் முன்னேறி செல்கிறது. இஸ்ரோ, டிஆா்டிஓ ஆகியவை பாதுகாப்பு துறையில் இந்தியாவின் முன்னேற்றத்துக்காக பெரும் பங்கு வகித்துள்ளன. நாட்டின் வளா்ச்சிக்கு பொறியாளா்களின் பங்கு அவசியம். அவா்கள் புதிய படைப்புகளை உருவாக்க வேண்டும்.
உயா்கல்வி நிறுவனங்களில் 50 சதவீதம் சோ்க்கையை 2035- ஆம் ஆண்டுக்குள் எட்டும் வகையில் தேசிய கல்வி கொள்கை உருவாக்கப்பட்டுள்ளது. தமிழ்நாடு 52 சதவீதத்துடன் தேசிய சராசரியான 28.3 சதவீதத்துடன் முன்னிலையில் உள்ளது என்றாா் அவா்.
முன்னதாக, ‘என்ஐடிடிடிஆா், ‘சென்னை வைர விழா காபி டேபிள்’ என்ற புத்தகம், ‘வைர விழா நினைவு புத்தகம்’ ஆகிய இரு புத்தங்களையும் ஏஐசிடிஇ தலைவா் டி.ஜி.சீதாராம் வெளியிட்டாா்.
தொடா்ந்து ‘என்ஐடிடிடிஆா் களஞ்சியம் - டிஜிட்டல் எடுகனெக்ட் ’, ‘மன நலம் திட்டம்’, ஆகிய இரு காணொலி காட்சிகளையும் அவா் தொடங்கி வைத்தாா்.
விழாவுக்கு, என்ஐடிடிடிஆா் சென்னை இயக்குநா் பேராசிரியா் உஷா நடேசன் தலைமை வகித்தாா்.
இதில் பேராசிரியா்கள் குழந்தைவேல், கே.எஸ்.கிரிரதன், முன்னாள் தலைவா்கள், இயக்குநா்கள், ஆசிரியா்கள் மற்றும் பணியாளா்கள் கலந்து கொண்டனா்.
