தோழியின் கணவருக்குக் கத்திக்குத்து; போதையில் திமுக நிர்வாகி வெறிச் செயல்; வைரலாகும் வீடியோ

திருப்பூர் மாவட்டம், பல்லடம் அருகே மலைப்பாளையம் ஊராட்சி மன்றத் துணைத் தலைவராக இருந்து வந்தவர் தி.மு.க-வைச் சேர்ந்த தேவராஜ். இவரும் அதே பகுதியைச் சேர்ந்த செல்வராஜ் என்பவரின் மனைவி ஜான்சிராணியும் பழகி வந்துள்ளனர். இந்நிலையில், மூன்று மாதங்களுக்கு முன்னர் அவர்களுக்குள் பிரச்னை ஏற்பட்டுள்ளது.

இந்நிலையில், தனது ஆதரவாளர்களுடன் ஜான்சிராணியின் வீட்டுக்குள் மது போதையில் சென்ற தேவராஜ் அங்கு இருந்த ஜான்சிராணியின் கணவரான செல்வராஜிடம் தகராறில் ஈடுபட்டுள்ளார். பின்னர், மறைத்து வைத்திருந்த கத்தியால் செல்வராஜின் காது மற்றும் கை பகுதிகளில் குத்தியுள்ளார். இதைக் கண்டு அருகிலிருந்த உறவினர்கள் மற்றும் ஊர் பொதுமக்கள் அவர்களைத் தடுக்க முற்பட்டபோது செல்வராஜின் அண்ணியையும் தேவராஜ் மற்றும் அவரது ஆதரவாளர்கள் தாக்கியுள்ளனர்.

தர்ம அடி கொடுத்த மக்கள்

இதனால், ஆத்திரமடைந்த ஊர் பொதுமக்கள் மற்றும் செல்வராஜின் உறவினர்கள் தேவராஜ் மற்றும் அவர் உடன் வந்தவர்களைக் கட்டி வைத்து தர்ம அடி கொடுத்தனர். இதுதொடர்பாக செல்வராஜ் அளித்த புகாரின் பேரில், தேவராஜ் மற்றும் அவரது ஆதரவாளர்கள் சுரேஷ்குமார், பிரபு, நந்த குமார், தமிழ்ச்செல்வன் என ஐந்து பேர் மீது வன்கொடுமை உட்பட 7 பிரிவின் கீழ் வழக்குப் பதிவு செய்துள்ளனர்.

அதேபோல தேவராஜ் கொடுத்த புகாரின் பேரில் ஜான்சிராணியின் கணவர் செல்வராஜ் மற்றும் உறவினர்கள் மீதும் வழக்குப் பதிவு செய்யப்பட்டுள்ளது. ஊர் மக்கள் தேவராஜ் மற்றும் அவரது ஆதரவாளர்களைப் பிடித்துத் தாக்கிய சம்பவம் தொடர்பான வீடியோ வெளியாகிப் பரபரப்பை ஏற்படுத்தியுள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://bit.ly/3PaAEiY

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3PaAEiY