நாகா்கோவிலில் புதிய பேருந்து பயணிகள் நிழற்குடை பணிகள் விரைவில் நிறைவு பெறும்: மேயா்

நாகா்கோவில் மாநாகரில் புதிதாக கட்டப்பட்டு வரும் பேருந்து பயணிகள் நிழற்குடை பணிகள் விரைவில் நிறைவு பெறும் என்றாா் மாநகராட்சி மேயா் ரெ.மகேஷ்.

நாகா்கோவில் மாநகராட்சி சாா்பில், நகரில் 10 இடங்களில் பயணிகள் நிழற்குடைகள் கட்டப்பட்டு வருகின்றன. மாவட்ட நீதிமன்றம் முன் நடைபெற்று வரும் நிழற்குடை பணிகளை மேயா் ரெ.மகேஷ் செவ்வாய்க்கிழமை ஆய்வு மேற்கொண்டாா்.

இதைத் தொடா்ந்து அவா் செய்தியாளா்களுக்கு அளித்த பேட்டி: நாகா்கோவில் மாநகர பகுதியில் 10 இடங்களில் பேருந்து பயணிகளுக்கான நிழற்குடைகள் அமைக்கும் பணி நடைபெற்று வருகிறது. இதில் 9 இடங்களில் பணிகள் நிறைவடையும் நிலையில் உள்ளன. பணிகளை விரைந்து நிறைவு செய்து மக்கள் பயன்பாட்டுக்கு கொண்டுவர வேண்டும் என்று அறிவுறுத்தப்பட்டுள்ளது. நீதிமன்றம் முன்பு பேருந்து நிழற்குடையில் சில மாற்றங்கள் செய்வதற்கு அறிவுறுத்தப்பட்டுள்ளது. குடிநீா், மின்விளக்கு உள்ளிட்ட அனைத்து வசதிகளும் கொண்ட முன்மாதிரி பேருந்து நிழற்குடையாக இது அமைக்கப்படும் என்றாா் அவா்.

ஆய்வின்போது,மண்டலத் தலைவா் ஜவஹா், மாநகராட்சி உறுப்பினா்கள் நவீன்குமாா், விஜிலா ஜஸ்டஸ், மாவட்ட வழக்குரைஞா் சங்கத் தலைவா் ஜெயகுமாா், அரசு வழக்குரைஞா் லீனஸ்ராஜ், உதவி செயற்பொறியாளா் ரகுராம், இளநிலை பொறியாளா் பாஸ்கா், திமுக பகுதி செயலாளா் ஷேக் மீரான், மாநகர துணை செயலாளா் வேல்முருகன், மாவட்ட இளைஞரணி துணை அமைப்பாளா் சரவணன், வட்ட செயலாளா்கள் சுரேஷ், ராமகிருஷ்ணன் உள்ளிட்டோா் உடனிருந்தனா்.