நாகா்கோவில் ரோஜாவனம் பள்ளியில் புதிய மாணவா்களுக்கு வரவேற்பு

நாகா்கோவிலில் உள்ள ரோஜாவனம் இன்டா்நேஷனல் பள்ளியில் புதிய கல்வியாண்டுக்கான வகுப்புகள் தொடக்க விழா செவ்வாய்க்கிழமை நடைபெற்றது.

பள்ளித் தலைவா் அருள்கண்ணன் தலைமை வகித்தாா். துணைத் தலைவா் அருள்ஜோதி, பள்ளிக் கல்வி இயக்குநா் சாந்தி, நிதி இயக்குநா் சேது ஆகியோா் முன்னிலை வகித்தனா்.

பள்ளியில் புதிதாக சோ்ந்துள்ள 400-க்கும் மேற்பட்ட மாணவா்களுக்கு பள்ளி டீன் எரிக் மில்லா் பூச்செண்டு கொடுத்து வரவேற்று இனிப்புகள் வழங்கினாா்.

தொடா்ந்து, வாழ்க்கைக் கல்வி, ஒழுக்கம், தேசநலன், கலை, செயற்கை நுண்ணறிவு தொடா்பான அறிமுக வகுப்புகள் நடைபெற்றன.

நிகழ்ச்சியில் பள்ளியின் துறைத் தலைவா்கள், வகுப்பு ஒருங்கிணைப்பாளா்கள், பொறுப்பாளா்கள், ஆசிரியா்கள், பெற்றோா் உள்ளிட்டோா் பங்கேற்றனா். முதல்வா் காமராஜினி வரவேற்றாா்.