நாதக வேட்பாளா் மீது மேலும் 2 வழக்குகள் பதிவு

தோ்தல் விதிமுறைகளை மீறியதாக ஈரோடு கிழக்கு தொகுதி நாம் தமிழா் கட்சி வேட்பாளா் மா.கி. சீதாலட்சுமி மீது மேலும் இரண்டு வழக்குகள் திங்கள்கிழமை பதிவு செய்யப்பட்டன.

ஈரோடு ஜீவா வீதியில் நாம் தமிழா் கட்சி வேட்பாளா் மா.கி. சீதாலட்சுமி திங்கள்கிழமை காலை தனது கட்சி ஆதரவாளா்களுடன் உரிய அனுமதி இல்லாமல் வீடுவீடாகச் சென்று பிரசாரம் மேற்கொண்டதாக கருங்கல்பாளையம் காவல் நிலையத்தில் பறக்கும் படை அதிகாரி நவீன்குமாா் புகாா் அளித்தாா். இதன்பேரில், சீதாலட்சுமி உள்பட 5 போ் மீது போலீஸாா் வழக்குப் பதிவு செய்தனா்.

இதுபோல, வஉசி பூங்காவில் சீதாலட்சுமி உள்பட 4 போ் அனுமதி பெறாமல் பிரசாரம் செய்ததாக வடக்கு காவல் நிலையத்தில் பறக்கும் படை அதிகாரி செல்வகணபதி புகாா் அளித்தாா். இதையடுத்து, சீதாலட்சுமி உள்பட 4 போ் மீது போலீஸாா் வழக்குப் பதிவு செய்தனா்.

ஈரோடு பேருந்து நிலையம் மற்றும் ஜீவா வீதியில் உரிய அனுமதி பெறாமல் ஞாயிற்றுக்கிழமை காலை தோ்தல் பிரசாரம் மேற்கொண்டதாக நகர காவல் நிலையம் மற்றும் கருங்கல்பாளையம் காவல் நிலையத்தில் நாம் தமிழா் கட்சி வேட்பாளா் மீது ஏற்கெனவே வழக்குப் பதிவு செய்யப்பட்டுள்ளது குறிப்பிடத்தக்கது.