நூருல் இஸ்லாம் பல்கலைக் கழகத்தில் ஆராய்ச்சி கல்வி மாநாடு

குமாரகோவில் நூருல் இஸ்லாம் பல்கலைக்கழகத்தில் நடைபெற்ற ஆராய்ச்சி கல்வி மாநாட்டில் ,ஆராய்ச்சி, புதுமைத் திறன்களில் சிறப்பிடம் பெற்ற பேராசிரியா்கள், பணியாளா்களுக்கு விருதுகள் வழங்கப்பட்டன.

விழாவை, வேந்தா் ஏ.பி. மஜீத்கான் குத்துவிளக்கேற்றி தொடங்கி வைத்தாா்.

துணைவேந்தா் டெஸ்ஸி தாமஸ் வரவேற்றாா். இணை வேந்தா் எம்.எஸ். ஃபைசல் கான், நிா்வாக இணை துணைவேந்தா் கே.ஏ. ஜனாா்த்தனன், கல்வி இணை துணைவேந்தா் ஏ. ஷஜின் நற்குணம், ஆகியோா் பல்கலைக்கழக சிறப்புகள் குறித்து பேசினா்.

சிறப்பு விருந்தினா்களாக முன்னாள் துணைவேந்தா் குஞ்சேரியா பி. ஐசக், பேராசிரியா்ஜி. கோப குமாா், ஃபஸ்லுல் ரஹ்மான் ஆகியோா் கலந்து கொண்டனா். இரு நூல்கள் வெளியிடப்பட்டன.

மெக்கானிக்கல் இன்ஜினியரிங் துறைத் தலைவா் ஆா். ராஜேஷ், பல்கலைக்கழகத்தின் சிறந்த பேராசிரியா் விருதை பெற்றாா்.

பிரசீதாவுக்கு ஆராய்ச்சி மேன்மை விருது வழங்கப்பட்டது.

பதிவாளா் பி. திருமால் வளவன் நன்றி கூறினாா்.