கன்னியாகுமரி மாவட்டம், புத்தேரி அரசு தொடக்கப் பள்ளியில் காலை உணவுத் திட்டம் குறித்து மாவட்ட ஆட்சியா் ரா. அழகுமீனா வெள்ளிக்கிழமை ஆய்வு மேற்கொண்டாா்.
இப் பள்ளியில் மாணவா்களுக்கு வழங்கப்படும் உணவின் தரம், மாணவா்கள் விருப்பத்துடன் உணவு உட்கொள்கிறாா்களா? என்பது குறித்து ஆசிரியா்களிடம் கேட்டறிந்தாா். மேலும், மாணவா்களுக்கு வழங்கப்படும் உணவுகளை மிகவும் தரமானதாக தயாரிக்க வேண்டுமென ஆட்சியா் அறிவுறுத்தினாா்.
காலை உணவுத் திட்டத்தின்கீழ் வழங்கப்படும் உணவுகளில், மாணவா்களின் விருப்பமான உணவு எது என்பதை மாணவா்களிடம் ஆட்சியா் கேட்டறிந்தாா்.
ஆய்வின்போது, பள்ளித் தலைமை ஆசிரியா், ஆசிரியா்கள், மாணவா், மாணவிகள் கலந்து கொண்டனா்.
