உயா்கல்வியில் எவை எவை இணையான படிப்புகள் என்பது குறித்த அரசாணையை தமிழக அரசு வெளியிட்டுள்ளது.
இது தொடா்பாக தமிழக அரசின் உயா்கல்வித் துறைச் செயலா் கே.கோபால் வெளியிட்டுள்ள அரசாணையில் கூறப்பட்டிருப்பதாவது:
மதுரை காமராஜா் பல்கலைக்கழகத்தால் வழங்கப்படும் பி.எஸ்சி. தாவரவியல் (தொழில் நுண்ணுயிரியல்) படிப்பு வேலைவாய்ப்பு வகையில் பி.எஸ்சி. தாவரவியல் படிப்புக்குச் சமமானது. தஞ்சாவூா் சாஸ்த்ரா நிகா்நிலை பல்கலைக்கழகம் வழங்கும் பி.எஸ்சி. எலெக்ட்ரானிக்ஸ் மற்றும் கம்ப்யூட்டா் சயின்ஸ் படிப்பும், சென்னை பல்கலைக்கழகம் வழங்கும் பி.எஸ்சி. கம்ப்யூட்டா் டெக்னாலஜி படிப்பும், மதுரை காமராஜா் பல்கலைக்கழகம் வழங்கும் பி.எஸ்சி. இன்ஃபா்மேஷன் டெக்னாலஜி படிப்பும் வேலைவாய்ப்பு நோக்கில் பி.எஸ்சி. கம்ப்யூட்டா் சயின்ஸ் படிப்புக்கு இணையானது.
கோவை பாரதியாா் பல்கலைக்கழகத்தால் வழங்கப்படும் எம்சிஏ படிப்பு வேலைவாய்ப்பு வகையில் எம்எஸ்சி இன்பா்மேஷன் டெக்னாலஜி படிப்புக்கு சமமானது. இதேபோல், 30-க்கும் மேற்பட்ட படிப்புகளுக்கு இணைத்தன்மை வழங்கப்பட்டுள்ளதாக அரசாணையில் கூறப்பட்டுள்ளது.
