பள்ளி, கல்லூரி மாணவா்களுக்கு கவிதை, கட்டுரை போட்டிகள்

தமிழ் வளா்ச்சித்துறை சாா்பில் மாவட்ட அளவில் பள்ளி மற்றும் கல்லூரி மாணவா்களுக்கு கவிதை,கட்டுரை மற்றும் பேச்சுப்போட்டிகள் நடைபெற உள்ளன என ஆட்சியா் க.தா்ப்பகராஜ் தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு:

திருப்பத்தூா் மாவட்டத்தில் 11 மற்றும் 12-ஆம் வகுப்பு மாணவா்கள் மற்றும் கல்லூரி மாணவா்களிடையே பேச்சு ஆற்றல், படைப்பாற்றலை வளா்க்கும் நோக்கி தமிழ் வளா்ச்சித்துறை சாா்பில் பேச்சுப்போட்டி, கவிதை மற்றும் கட்டுரைப்பேட்டிகள் நடத்தப்பட உள்ளன.

அதன்படி, 11 மற்றும் 12-ஆம் வகுப்பு மாணவா்களுக்கு வரும் 21-ஆம் தேதி(செவ்வாய்க்கிழமை) திருப்பத்தூா் மீனாட்சி அரசு மகளிா் மேல்நிலைப்பள்ளியில் காலை 9.30 மணிக்கு கவிதை,கட்டுரை, பேச்சுப்போட்டிகளும், 22-ஆம் தேதி(புதன்கிழமை) கரியம்பட்டி பகுதியில் உள்ள அரசு கலைக்கல்லூரியில் காலை 9.30 மணியளவில் கல்லூரி மாணவ,மாணவிகளுக்கு கவிதை, கட்டுரை மற்றும் பேச்சப்போட்டிகள் நடைபெற உள்ளன.

இந்த போட்டியில் கலந்து கொண்டு வெற்றிப்பெறும் பள்ளி மற்றும் கல்லூரி மாணவா்களுக்கு ஒவ்வொரு போட்டிக்கும் தனித்தனியாக முதல் பரிசாக ரூ.10,000, 2-ஆம் பரிசாக ரூ.7,000, 3-ஆம் பரிசாக ரூ.5,000 மற்றும் பாராட்டுச்சான்றிதழ்கள் போட்டிகள் நடைபெறும் அதே நாளில் வழங்கப்படும்.

திருப்பத்தூா் மாவட்டத்தில் இயங்கி வரும் அனைத்து (அரசு, தனியாா், நிதியுதவி,பதின்ம) மேல்நிலைப்பள்ளிகளில் 11 மற்றும் 12-ஆம் வகுப்பு மாணவா்கள்,கல்லூரிகள்(கலை மற்றும் அறிவியல், வேளாண்மை,பொறியியல்,பல்தொழில்நுட்ப கல்லூரி,செவிலியா், சட்டம் மற்றும் மருத்துவம் மற்றும் இதர கல்லூரிகள்) அரசு மற்றும் தனியாா்) கல்லூரி மாணவ,மாணவிகள் இந்த போட்டியில் கலந்து கொள்ளலாம்.

ஒரு பள்ளியில் இருந்து ஒரு போட்டிக்கு ஒருவா் வீதம் 3 போட்டிகளுக்கு 3 மாணவா்களும், ஒரு கல்லூரியில் இருந்து ஒரு போட்டிக்கு இருவா் வீதம் 3 போட்டிகளுக்கு 6 மாணவா்கள் மட்டுமே பங்கேற்க முடியும். இந்த போட்டிக்களுக்கான தலைப்புகள் போட்டிகள் தொடங்கும் முன்பு நடுவா்கள் முன்னிலையில் அறிவிக்கப்படும்.

மாவட்ட அளவில் நடைபெறும் இந்தப்போட்டிகளில் கலந்து கொள்ளும் பள்ளி மற்றும் கல்லூரி மாணவா்கள் பங்கேற்பு படிவத்தை பூா்த்தி செய்து அந்தந்த பள்ளி தலைமை ஆசிரியா் மற்றும் கல்லூரி முதல்வா் பரிந்துரையுடன் போட்டிகளில் கலந்து கொள்ளலாம்.

இதுதொடா்பாக கூடுதல் விவரம் தேவைப்பட்டால், வேலூா் மாவட்ட ஆட்சியா் அலுவலக வளாகத்தில் இயங்கி வரும் தமிழ்வளா்ச்சி துணை இயக்குநரை நேரிலோ அல்லது (0416-2256166) என்ற தொலைபேசி வாயிலாக தொடா்பு கொண்டு தெரிந்துக் கொள்ளலாம் என அதில் தெரிவிக்கப்பட்டுள்ளது.