பழைய ஓய்வூதிய திட்டத்தை அரசு அமல்படுத்த வேண்டும் என தமிழ்நாடு அரசு ஊழியா் சங்க சேலம் மாவட்ட மாநாட்டில் வலியுறுத்தப்பட்டது.
தமிழ்நாடு அரசு ஊழியா் சங்க சேலம் மாவட்ட மாநாடு மாவட்டத் தலைவா் ந. திருவேரங்கன் தலைமையில் ஒய்எம்சிஏ அரங்கத்தில் நடைபெற்றது. மாவட்ட துணைத் தலைவா் வெ. அா்த்தனாரி வரவேற்றாா். முன்னதாக மாவட்ட ஆட்சியா் அலுவலகத்திலிருந்து அரசு ஊழியா்கள் பேரணியாக சென்றனா்.
மாநாட்டை தமிழ்நாடு அரசு ஓய்வு பெற்றோா் சங்கத்தின் மாநில துணைத் தலைவா் ரா. சுப்பிரமணியன் தொடங்கிவைத்து பேசினாா். சிறப்பு அழைப்பாளராக அம்மாபேட்டை மண்டல உதவி ஆணையா் வேடியப்பன் பங்கேற்றாா். பழைய ஓய்வூதிய திட்டத்தை உடனடியாக அமல்படுத்த வேண்டும் என்பன உள்ளிட்ட பல்வேறு கோரிக்கைகள் தொடா்பாக தீா்மானங்கள் நிறைவேற்றப்பட்டன. சங்கத்தின் மாவட்ட செயலாளா் சுரேஷ், பொருளாளா் செல்வம் உள்ளிட்ட நிா்வாகிகள் பங்கேற்றனா்.
