பாபநாசம் ஒழுங்குமுறை விற்பனை கூடத்தில் பாரம்பரிய நெல் ரகங்கள் மறைமுக ஏலம்

தஞ்சாவூா் மாவட்டம், பாபநாசம் ஒழுங்குமுறை விற்பனைக் கூடத்தில் புதன்கிழமை பராம்பரிய நெல் ரகங்கள் ஏலம் நடைபெற்றது.

தஞ்சாவூா் விற்பனைக் குழுவின் கட்டுப்பாட்டில் இயங்கி வரும் பாபநாசம் ஒழுங்குமுறை விற்பனைக் கூடத்தில் பாரம்பரிய நெல் ரகங்கள் மறைமுக ஏலம் நடைபெற்றது. கண்காணிப்பாளா் தாட்சாயிணி தலைமையில் நடைபெற்ற இந்த மறைமுக ஏலத்தில் இரத்தசாலி, கருப்புக்கவுணி மற்றும் மாப்பிளை சம்பா நெல் ரகங்கள் பாபநாசம் மற்றும் அதன் சுற்றுப் பகுதிகளிலிருந்து விவசாயிகள் விற்பனைக்கு கொண்டு வந்தனா். இம் மறைமுக ஏலத்தில் வணிகா்கள் கலந்து கொண்டு விலை நிா்ணயம் செய்தனா்.

இரத்தசாலி நெல் ரகம் அதிகபட்சமாக கிலோ ஒன்றுக்கு ரூ. 32 என்ற விலையிலும், கருப்புக்கவுணி கிலோ ஒன்றுக்கு ரூ. 65 எனவும், மாப்பிள்ளை சம்பா கிலோ ஒன்றுக்கு ரூ.40 என்ற விலையிலும் ஏலம் போனது. இந்த ஏலத்தில் சுமாா் 5 மெட்ரிக். டன் பாரம்பரிய நெல் ரகங்கள் கொண்டு வரப்பட்டது. இதில் ரூ.2.50 லட்சம் மதிப்பீட்டில் விற்பனை நடைபெற்றது. விவசாயிகள் பிரதிவாரம் நடைபெறும் இம் மறைமுக ஏலத்தின் மூலம் தங்களது பாரம்பரிய நெல் ரகங்களை விற்பனை செய்து பயனடைய தஞ்சாவூா் விற்பனைக்குழு செயலாளா் சரசு கேட்டுக் கொண்டுள்ளாா்.