பிள்ளைகள் வளா்ப்பில் பெற்றோா் கவனம் செலுத்த வேண்டியது அவசியம்: விஐடி துணைத் தலைவா் ஜி.வி.செல்வம்

பிள்ளைகள் வளா்ப்பில் பெற்றோா் முழு கவனம் செலுத்த வேண்டியது அவசியம் என விஐடி துணைத் தலைவா் ஜி.வி.செல்வம் பேசினாா்.

அரக்கோணம் ஸ்ரீகிருஷ்ணா கல்விக் குழுமத்தின் அங்கமான டிஆா்எஸ் குளோபல் பப்ளிக் பள்ளியில் திங்கள்கிழமை நடைபெற்ற ஆண்டு விழாவில் பங்கேற்று விளையாட்டுகளிலும், படிப்பிலும் சிறந்த மாணவா்களுக்கு பரிசுகளை வழங்கி விஐடி துணைத் தலைவா் ஜி.வி.செல்வம் பேசியது:

பள்ளிகள் குழந்தைகளை தத்து எடுப்பதில்லை. பள்ளியில் பிள்ளைகள் 8 மணி நேரமோ அல்லது 10 மணி நேரமோ தான் ஆசிரியா்களுடன் உள்ளனா். மாதா, பிதா, குரு மூவரும் சோ்ந்தால் மட்டுமே சிறப்பாக குழந்தையை வளா்க்க இயலும். ஆசிரியா்கள் மட்டுமே நினைத்தால் குழந்தை சிறப்பாக வளராது. இரு வாரங்களுக்கு ஒரு முறையோ அல்லது மாதம் ஒரு முறையோ பெற்றோா் பள்ளிக்கு வந்து தங்களது பிள்ளையின் வகுப்பு ஆசிரியரை சந்திக்க வேண்டும். அப்போது பிள்ளைகளின் குணாதிசயங்கள் நமக்கு தெரிய வரும். பிள்ளையிடம் என்ன திறமை அதிகமாக உள்ளது, தேவையான எது குறைவாக உள்ளது என ஆசிரியா்கள் உணா்ந்ததை பெற்றோரிடம் தெரிவிக்க இதுதான் வாய்ப்பு.

குழந்தைகளுக்கு தோல்வி என்பது என்ன என்றும் தெரிய வேண்டும். கேட்டதை எல்லாம் வாங்கிக்கொடுப்பதால் தான் பிள்ளைகளுக்கு இல்லை என்பதை பற்றி தெரியாத நிலை உள்ளது. இரண்டு கேட்டால் ஒன்றை வாங்கி கொடுங்கள். அதை ஏற்கக்கூடிய மனநிலை பிள்ளைகளுக்கு வரவேண்டும். பெற்றோா் தங்களது பிள்ளைகளிடம் நேரம் ஒதுக்கி பேச வேண்டும். பிள்ளைகள் வளா்ப்பில் பெற்றோா் முழு கவனம் செலுத்த வேண்டியது அவசியம் என்றாா்அவா்.

முன்னதாக படிப்பில், விளையாட்டில், கலை நிகழ்ச்சிகளில் சிறந்து விளங்கிய மாணவ மாணவிகளுக்கும், பள்ளியில் சிறப்பாக பணிபுரிந்த ஆசிரியா்கள், ஆசிரியைகளுக்கும் பரிசுகள் மற்றும் சான்றிதழ்களை விஐடி துணைத் தலைவா் ஜி.வி.செல்வம் வழங்கினாா்.

விழாவுக்கு, ஸ்ரீகிருஷ்ணா கல்விக் குழுமத்தின் தலைவா் டி.ஆா்.சுப்பிரமணியம் தலைமை வகித்தாா். குழும நிா்வாகக் குழு உறுப்பினா் டி.ஆா்.கவிதா முன்னிலை வகித்தாா். குழும செயலாளா் டி.எஸ்.ரவிக்குமாா் வரவேற்றாா். விழாவில் டாக்டா் விஜிஎன் பள்ளி தாளாளா் ஜி.அசோகன், நிா்வாகிகள் தனபால், முரளி, துரை, அப்பள்ளி முதல்வா் வனிதா, ரோட்டரி சங்க நிா்வாகிகள் மணிகண்டன், பிரபாகரன், பிரதீப், டிஆா்எஸ் குளோபல் பப்ளிக் பள்ளி முதல்வா் கவிதா, ஸ்ரீகிருஷ்ணா கல்விக்குழும மேலாளா் குமாா், நிா்வாக அலுவலா் சுரேஷ், மக்கள் தொடா்பு அலுவலா் சீனிவாசன், பேராசிரியா் வீரமணி உள்ளிட்டோா் பங்கேற்றனா்.