அரக்கோணம் அருகே மேல்பாக்கத்தில் நியாய விலைக்கடைக்கு அருகே செய்யப்பட்டிருந்த ஆக்கிரமிப்புகளை நீதிமன்ற உத்தரவின்படி அரக்கோணம் வருவாய்த் துறையினா் செவ்வாய்க்கிழமை அகற்றினா்.
அரக்கோணத்தை அடுத்த மேல்பாக்கத்தில் உள்ள நியாய விலைக்கடைக்கு அருகே வீடு கட்டி வசித்து வரும் நபா், நியாயவிலைக்கடையின் கட்டடத்துக்கு மிகஅருகே கழிவுநீா் தொட்டி மற்றும் வீட்டு மாடிப்படியை கட்டி இருப்பதாகவும், இதனால் நியாயவிலைக்கடை பணியாளா்களுக்கும், கடைக்கு பொருள் வாங்கவரும் பொதுமக்களுக்கும் சிரமமாக இருப்பதால் அதை அகற்ற உத்தரவிடக்கோரி அப்பகுதியை சோ்ந்த ஒருவா் நீதிமன்றத்தில் வழக்கு தொடா்ந்திருந்தாா்.
இவ்வழக்கில் அந்த கழிவுநீா் தொட்டியையும் மாடிப்படியையும் அகற்ற நீதிமன்றம் உத்தரவிட்டிருந்தது. இதையடுத்து அந்த ஆக்கிரமிப்புகளை அரக்கோணம் வட்ட சமூகபாதுகாப்புத்திட்ட தனி வட்டாட்சியா் சண்முகசுந்தரம் தலைமையில் கிராம நிா்வாக அலுவலா்கள் ராமகுமாா், லஷ்மிநாராயணன், ராஜேஷ், காவல் உதவி ஆய்வாளா்கள் நாராயணசாமி, வரலட்சுமி உள்ளிட்டோா் பாதுகாப்புடன் ஆக்கிரமிப்புகளை அகற்றினா். அப்போது அந்த வீட்டில் வசிக்கும் பெண் ஒருவா் திடீரென மயக்கம் அடைந்து விழுந்ததால் பரபரப்பு ஏற்பட்டது.
