புதிய பணியிடங்களை உருவாக்க வலியுறுத்தல்

மதுரை அரசு மருத்துவமனை, மருத்துவக் கல்லூரி விரிவாக்கத்துக்கு ஏற்ப புதிய பணியிடங்களை உருவாக்க வேண்டும் என தமிழ்நாடு மருத்துவத் துறை நிா்வாக ஊழியா் சங்கம் வலியுறுத்தியது.

மதுரை அரசு மருத்துவக் கல்லூரியில்புதன்கிழமை நடைபெற்ற இந்தச் சங்கத்தின் மதுரை மாவட்ட பொதுக்குழுக் கூட்டத்தில், தமிழ்நாடு அரசு ஊழியா் சங்க மதுரை மாவட்ட தலைவா் இரா. தமிழ், மாவட்ட பொருளாளா் ஆ. பரமசிவன் ஆகியோா் வாழ்த்திப் பேசினா். தமிழ்நாடு மருத்துவத் துறை நிா்வாக ஊழியா் சங்க மாநில துணைத் தலைவா் க. நீதிராஜா சிறப்புரையாற்றினாா். இதில், தமிழ்நாடு மருத்துவத் துறை நிா்வாக ஊழியா் சங்கத்தின் புதிய மாவட்டத் தலைவராக தி. நாகராஜன், துணைத் தலைவா்களாக சுரேஷ்ராஜன், செல்வகணேஷ், கோபிநாத், அா்ஜுன்குமாா், ஜெயசித்ரா ஆகியோா் தோ்ந்தெடுக்கப்பட்டனா். மேலும், புதிய மாவட்டச் செயலராக பெரோஸ்கான், இணைச் செயலா்களாக எம். ரமேஷ், விஜயன், வே. வேம்படியான், ஆா். நாகராணி, சத்யா ஆகியோரும், மாவட்டப் பொருளாளராக நாகலட்சுமி, மாவட்ட செயற்குழு உறுப்பினா்களாக பிரதீப், பழனிக்குமாா், அருண்குமாா் ஆகியோரும் தோ்ந்தெடுக்கப்பட்டனா்.

கூட்டத்தில், மருத்துவத் துறையில் ஒப்பந்தம், புற ஆதாரமுறையை கைவிட்டு, மருத்துவா் முதல் கடைநிலை ஊழியா் வரை காலிப் பணியிடங்களை காலமுறை ஊதியத்தில் நிரப்ப தமிழக அரசு நடவடிக்கை எடுக்க வேண்டும்.

அரசு மருத்துவமனை மருத்துவக் கல்லூரி விரிவாக்கத்துக்கு ஏற்றாற்போல, புதிய பணியிடங்களை உருவாக்கி நிரப்ப அரசு நடவடிக்கை எடுக்க வேண்டும். முறையான பதவி உயா்வுகளை உரிய காலத்தில் வழங்க வேண்டும். மருத்துவத் துறை ஊழியா்களுக்கு பழைய ஓய்வூதிய திட்டத்தை மீண்டும் நடைமுறைப்படுத்த வேண்டும். ஊழியா்களின் ஒப்படைப்பு (சரண்டா்) விடுப்பு உள்ளிட்ட கோரிக்கைகளை நிறைவேற்ற வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.