புதுவையில் திமுக மாடல் ஆட்சி அமையும்: தமிழக அமைச்சா் டி.ஆா்.பி. ராஜா நம்பிக்கை

புதுவையில் 2026 தோ்தலுக்குப் பிறகு திமுக மாடல் ஆட்சி நிச்சயம் அமையும் என்று தமிழக அமைச்சா் டி.ஆா்.பி. ராஜா பேசினாா்.

புதுவை மாநில திராவிட முன்னேற்றக் கழக தகவல் தொழில்நுட்ப அணி மாநில நிா்வாகிகள் ஆலேசானைக் கூட்டம் லப்போா்த் வீதியில் உள்ள தலைமை அலுவலகத்தில் சனிக்கிழமை இரவு நடந்தது.புதுவை மாநில திமுக அமைப்பாளரும் சட்டமன்ற எதிா்க்கட்சித் தலைவருமான ஆா். சிவா தலைமை வகித்தாா்.

மாநில அவைத்தலைவா் எஸ்.பி. சிவக்குமாா், துணை அமைப்பாளா் வி. அனிபால் கென்னடி, எம்.எல்.ஏ., மாநில இளைஞா் அணி அமைப்பாளா் எல். சம்பத், எம்.எல்.ஏ. ஆகியோா் முன்னிலை வகித்தனா்.தமிழ்நாடு தொழில்துறை அமைச்சரும், திமுக தகவல் தொழில்நுட்ப அணிச் செயலாளருமான டி.ஆா்.பி. ராஜா, தகவல் தொழில்நுட்ப அணி நிா்வாகிகளுக்கு ஆலோசனைகள் வழங்கி பேசியதுபிறந்த நாள் விழா கொண்டாடும் புதுவை முதல்வா் ரங்கசாமிக்கு வாழ்த்துகள். அவா் நல்ல மனிதா்.

இருந்தாலும் சிறிய மாநிலமான புதுச்சேரியைச் சுற்றுலா உள்ளிட்ட பல்வேறு வளா்ச்சித் திட்டங்களைச் சிறப்பாக செயல்படுத்தி தனிநபா் வருமானத்தை முதல்வா் உயா்த்தி இருக்கலாம்.

ஆனால் செய்ய அவா் தவறிவிட்டாா். அதை திமுக தகவல் தொழில்நுட்ப அணி மக்களுக்குச் சுட்டிக் காட்ட வேண்டும். தமிழகம் மற்றும் புதுவையில் திமுக ஆட்சி இருக்கும்போது தான் மக்களுக்கான மகத்தான திட்டங்கள் செயல்படுத்தப்பட்டு உள்ளன.

புதுவை மக்களுக்கு மீண்டும் விடியல் பிறக்காதா என்ற ஏக்கம் புதுவை திமுக தொண்டா்களுக்கு இருக்கிறது. ஆகவே, எதிா்வரும் 2026 சட்டமன்ற தோ்தலில் தமிழ்நாடு மற்றும் புதுவையில் திராவிட மாடல் ஆட்சி மீண்டும் நிச்சயம் அமையும் என்றாா் ராஜா.