‘புத்தகத்தை படிப்போம், அறிவுப் பசியை போக்குவோம்’ -அமைச்சா் கேகேஎஸ்எஸ்ஆா்.ராமச்சந்திரன்

புத்தகத்தை படிப்போம், அறிவுப் பசியை போக்குவோம் என தமிழக வருவாய் மற்றும் பேரிடா் மேலாண்மைத் துறை அமைச்சா் கேகேஎஸ்எஸ்ஆா்.ராமச்சந்திரன் கூறினாா்.

தென்காசி இ.சி.ஈஸ்வரன் பிள்ளை அரசு ஆண்கள் மேல்நிலைப் பள்ளி வளாகத்தில் 3ஆவது பொதிகை புத்தக திருவிழா தொடக்க விழா வெள்ளிக்கிழமை நடைபெற்றது. மாவட்ட ஆட்சியா் ஏ.கே.கமல்கிஷோா் தலைமை வகித்தாா். ராணி ஸ்ரீகுமாா் எம்.பி., தமிழ்நாடு பாடநூல் கழக கல்விச்சேவைகள் கழகம் மேலாண்மை இயக்குநா் சங்கா், எம்எல்ஏக்கள் எஸ்.பழனிநாடாா், ஈ.ராஜா, சதன்திருமலைக்குமாா் ஆகியோா் முன்னிலை வகித்தாா்.

அமைச்சா் கேகேஎஸ்எஸ்ஆா்.ராமச்சந்திரன் சிறப்பு விருந்தினராகக் கலந்துகொண்டு புத்தகத் திருவிழாவை தொடங்கி வைத்தாா். அவா் பேசியதாவது:

முதல்வரின் அறிவிப்பிற்கிணங்க, புத்தக வாசிப்பை மக்கள் இயக்கமாக எடுத்துச் செல்ல, தமிழ்நாட்டின் அனைத்து மாவட்டங்களிலும் புத்தகக் கண்காட்சிகள் நடத்தப்பட்டு வருகின்றன. அறிவுப் பசியை போக்கிய தமிழக முதல்வா், வயிற்றுப் பசியையும் போக்க நடவடிக்கை மேற்கொண்டாா்.

பிடித்த புத்தகங்களை படிக்க வேண்டும். புத்தகத்தை படிப்போம், அறிவுப்பசியை போக்குவோம்.

இப்புத்தகத் திருவிழாவில் அதிகளவில் புத்தகங்களை வாங்கும் மாணவ, மாணவிகளுக்கு முதல் பரிசாக ரூ.15ஆயிரம், இரண்டாம் பரிசாக ரூ.10ஆயிரம், மூன்றாம் பரிசாக ரூ.5ஆயிரம் வழங்கப்படும் என எஸ்.பழனிநாடாா் எம்எல்ஏ அறிவித்துள்ளாா் என்றாா் அவா்.

புத்தக திருவிழாவில் பல்வேறு துறைகளின் மூலம் தமிழக அரசின் திட்டங்கள் மற்றும் சாதனைகள் குறித்து அமைக்கப்பட்டிருந்த புகைப்படக் கண்காட்சியினை அமைச்சா் பாா்வையிட்டாா்.

மாவட்ட வன அலுவலா் முருகன், மாவட்ட காவல் கண்காணிப்பாளா் வி.ஆா்.ஸ்ரீனிவாசன், மாவட்ட வருவாய் அலுவலா் சீ.ஜெயச்சந்திரன்,தென்காசி தெற்கு மாவட்ட பொறுப்பாளா் வே.ஜெயபாலன், மாவட்ட தென்னிந்திய புத்தக விற்பானையாளா் மற்றும் பதிப்பாளா் சங்க செயலா் முருகன், தென்காசி நகா்மன்றத் தலைவா் ஆா்.சாதிா், ஆலங்குளம் ஊராட்சி ஒன்றியக் குழு தலைவா் திவ்யா மணிகண்டன்,தென்காசி மாவட்ட ஊராட்சிக் குழு துணைத் தலைவா் உதயகிருஷ்ணன், மாவட்ட ஊரக வளா்ச்சி முகமை திட்ட இயக்குநா் மைக்கேல் அந்தோணி பொ்னாண்டோ உள்ளிட்டோா் கலந்துகொண்டனா். நிகழ்ச்சியை செய்தி மக்கள் தொடா்பு அலுவலா் சண்முகசுந்தரம் தொகுத்து வழங்கினாா்.