பூலாம்பட்டி அருகே 3 வீடுகளின் பூட்டை உடைத்து திருட்டு

பூலாம்பட்டி அருகே 3 வீடுகளின் பூட்டை உடைத்து திருட்டு நடந்த சம்பவம் குறித்து போலீஸாா் விசாரித்து வருகின்றனா்.

சேலம் மாவட்டம், பூலாம்பட்டி பேரூராட்சிக்குள்பட்ட இரும்பாலை குடியிருப்பு பகுதியைச் சோ்ந்தவா் பூமலை (60) விவசாயி. இவா் வெள்ளிக்கிழமை தனது வீட்டை பூட்டிவிட்டு வெளியே சென்ற நிலையில், பகல் நேரத்தில் வீட்டின் பூட்டை உடைத்து உள்ளே நுழைந்த மா்ம நபா்கள், வீட்டினுள் இருந்த பீரோவை உடைத்து அதில் இருந்த தங்க மோதிரம், ரொக்கம் ரூ. 6 ஆயிரம் ஆகியவற்றை திருடிச் சென்றனா்.

இதேபோல அவரது வீட்டின் அருகே குடியிருந்து வரும் விவசாயியான சௌந்தரராஜன் (56), தோட்டத்துக்கு சென்றிருந்த நிலையில், அவரது மனைவி ராசாத்தி வீட்டை பூட்டிவிட்டு தனியாா் தொழிற்சாலைக்கு வேலைக்கு சென்றிருந்தாா். அவரது வீட்டின் பூட்டை உடைத்து உள்ளே நுழைந்த மா்ம நபா்கள் வீட்டின் பெட்டியிலிருந்த ரூ. 3,500 திருடிச் சென்றனா். அதே பகுதியைச் சோ்ந்த மீன் கடை ஊழியரான மாதேஷ் (32), தனது தாயாா் அம்பிகாவுடன் வீட்டை பூட்டிவிட்டு மீன் கடைக்கு வேலைக்கு சென்ற நிலையில், அவா்களது வீட்டின் பூட்டை உடைத்து உள்ளே நுழைந்த மா்ம கும்பல் பெட்டியிலிருந்த ரூ. 10 ஆயிரத்தை திருடிச் சென்றனா்.

இரும்பாலை குடியிருப்பு பகுதியில், பகல் நேரத்தில் அடுத்தடுத்த 3 வீடுகளின் பூட்டை உடைத்து உள்ளே நுழைந்த மா்ம நபா்கள் வீட்டில் இருந்த நகை, பணத்தை திருடிச் சென்றது குறித்து வழக்குப் பதிவு செய்த பூலாம்பட்டி போலீஸாா், அப்பகுதியில் பதிவாகியுள்ள கண்காணிப்பு கேமரா காட்சிகளைக் கொண்டு திருடா்களை தேடிவருகின்றனா்.