சென்டினல் தீவு: கால் வைத்த அமெரிக்கர் கைது; இந்த தீவின் ரகசியங்கள் என்ன?
விநாயகா மிஷன் விம்ஸ் அலைடு ஹெல்த் சயின்ஸ் கல்லூரி மற்றும் சேலம் என்சிசி வான்வழிப் பிரிவு அமைப்பு சாா்பில் போதைப் பொருளுக்கு எதிரான விழிப்புணா்வுப் பேரணி சேலம் புதிய பேருந்து நிலையம் பகுதியில் அண்மையில் நடைபெற்றது.
இப்பேரணிக்கு கல்லூரி முதன்மையா் செந்தில்குமாா் முன்னிலை வகித்தாா். சிறப்பு விருந்தினராக சேலம் மாநகரக் காவல் ஆணையா் பிரவீண்குமாா் அபிநபு கலந்துகொண்டு பலூன்களை பறக்கவிட்டு கொடியசைத்து விழிப்புணா்வுப் பேரணியை தொடங்கிவைத்தாா்.
சேலம் மாவட்ட வடக்குப் பிரிவு காவல் இணை ஆணையா் சிவராமன், சேலம் என்சிசி வான்வழிப் பிரிவு கட்டளை அதிகாரி முருகானந்தம், சேலம் மாவட்ட புகையிலைக் கட்டுப்பாட்டு அமைப்பின் ஆலோசகா் அஸ்வந்த் வெற்றிவேல், மாவட்ட சுகாதார அலுவலக அலுவலா் சக்திவேல் ஆகியோா் கலந்துகொண்டனா்.
விழிப்புணா்வுப் பேரணி சேலம் புதிய பேருந்து நிலையத்தில் தொடங்கி ஐந்து சாலைப் பகுதியில் நிறைவுற்றது. பேரணியில் மாணவா்கள் விழிப்புணா்வு பதாதைகளை ஏந்தி, துண்டுப் பிரசுரங்களை வழங்கி, போதைப் பொருட்களால் ஏற்படும் தீமைகள் குறித்து பிரசாரம் மேற்கொண்டனா். போதைப் பொருளுக்கு எதிரான உறுதிமொழியும் ஏற்கப்பட்டது. இதற்கான ஏற்பாடுகளை கல்லூரியின் நாட்டு நலப் பணித்திட்ட ஒருங்கிணைப்பாளா் தனசேகா், தேசிய மாணவா் படை ஒருங்கிணைப்பாளா் தங்கக்குமரன் மோகன், சேலம் என்சிசி வான் வழிப்பிரிவு அமைப்பின் கட்டளை அதிகாரி முருகானந்தம் ஆகியோா் செய்திருந்தனா்.
