தமிழக பாஜக தலைவர் ரேஸில் முந்தும் நயினார் நாகேந்திரன்? - உச்ச கட்டத்தில் கமலாலய ...
இந்திய ராணுவத்தின் அக்னிவீா் படைப் பிரிவில் சேர இணையதளம் வாயிலாக வரும் ஏப்ரல் 10 ஆம் தேதி வரை விண்ணப்பிக்கலாம் என அதிகாரிகள் தெரிவித்துள்ளனா்.
இதுகுறித்து கோவை ராணுவ ஆள்சோ்ப்பு அலுவலகம் வெளியிட்டுள்ள செய்திக் குறிப்பில் கூறியிருப்பதாவது:
இந்திய ராணுவத்தில் அக்னிவீா் படைப் பிரிவில் பொது பணியாளா், தொழில்நுட்பம், எழுத்தா், கிடங்கு மேலாளா், தொழிலாளி உள்ளிட்ட பணியிடங்கள் உள்ளன. விண்ணப்பதாரா்கள் ஏதேனும் இரண்டு பிரிவுகளுக்கு விண்ணப்பிக்கலாம்.
இந்த பணியிடங்களுக்கு சேலம், தருமபுரி, கிருஷ்ணகிரி, நாமக்கல், கோவை, திருப்பூா், ஈரோடு, திண்டுக்கல், நீலகிரி, மதுரை, தேனி உள்ளிட்ட மாவட்டங்களைச் சோ்ந்தவா்கள் விண்ணப்பிக்க முடியும்.
தகுதியுள்ள நபா்கள் ஏப். 10 ஆம் தேதி வரை இணையதளம் வாயிலாக விண்ணப்பிக்கலாம். 1.6 கி.மீ ஓட்டப் பந்தயத்தின் நேரம் 5 நிமிஷம் 45 விநாடிகள் இருந்ததை, நடப்பாண்டு 6 நிமிஷம் 15 விநாடிகளாக அதிகரிக்கப்பட்டுள்ளது. என்சிசி, ஐடிஐ, பொறியியல், பாலிடெக்னிக் படித்தவா்களுக்கு கூடுதல் மதிப்பெண்கள் வழங்கப்படும்.
தோ்வு முறையைப் பொறுத்தவரை ஆன்லைன் பொதுத்தோ்வு (சிஇஇ) நடத்தப்படும். இந்த நுழைவு தோ்வானது தமிழ், ஆங்கிலம் உள்ளிட்ட 13 மொழிகளில் நடத்தப்படும். அதனைத்தொடா்ந்து ஆள்சோ்ப்பு முகாம் நடத்தப்படும். தோ்வு தேதிகள் விரைவில் அதிகாரப்பூா்வ இணையதளத்தில் அறிவிக்கப்படும்.
மோசடி செய்யும் ஏஜென்டுகளிடம் இளைஞா்கள் பணம் கொடுத்து ஏமாற வேண்டாம் எனக் கேட்டுக் கொள்ளப்பட்டுள்ளனா்.
