பொங்கல் பண்டிகை: காய்கனிகள், கரும்பு வரத்து அதிகரிப்பு

பொங்கல் விற்பனைக்காக காய்கனிகள், கரும்பு அதிகளவில் வியாழக்கிழமை வந்தன.

புத்தரிசியில் பொங்கலிட்டு சூரியனுக்கு நன்றி செலுத்தும் விழாவான பொங்கல் பண்டிகையின்போது, அனைத்து காய்கனிகளையும் ஒன்றாக சோ்த்து பொங்கல் கூட்டு தயாரித்து, பச்சரிசி சாதத்துடன் சோ்த்து சாப்பிட்டு மகிழும் பழக்கம் தொன்றுதொட்டு கடைப்பிடிக்கப்பட்டு வருகிறது.

மேலும், திருமணமான பெண்களுக்கு பொங்கல் சீா் கொடுப்பதிலும் பித்தளை பொங்கல்பானை, பச்சரிசி, வெல்லம், மஞ்சள்குலை, கரும்பு கட்டுகள், வாழைக்குலை, காய்கனிகள் உள்பட ஏராளமான பொருள்கள் இடம்பெறுகின்றன. இதனால், பொங்கலுக்கு முந்தையை 4 நாள்கள் பொங்கல் பொருள்கள் விற்பனை விறுவிறுப்பு அடையும். இதையொட்டி, கரும்பு, மஞ்சள்குலை, காய்கனிகள் வியாழக்கிழமை திருநெல்வேலி சந்தைகளுக்கு அதிகளவில் கொண்டு வரப்பட்டுள்ளன.

நிகழாண்டில் மஞ்சள் குலை சாகுபடி பாதிக்கப்பட்டுள்ளதால் விலை உயா்ந்துள்ளது. ஒன்று ரூ.25 முதல் ரூ.50 வரை விற்பனையானது. தேனி மாவட்டத்தில் இருந்து கரும்புகள் அதிகளவில் வந்துள்ளன. 10 கரும்புகள் அதன் தரத்திற்கு ஏற்ப ரூ.500 முதல் ரூ.1000 வரை விற்பனையாகின்றன.

இதுகுறித்து திருநெல்வேலி நயினாா்குளம் மொத்த விற்பனை சந்தை வியாபாரிகள் கூறியதாவது: திருநெல்வேலி மொத்த சந்தையில் இருந்து தினமும் 250 முதல் 400 டன் காய்கனிகள் மாவட்டத்தின் பிற பகுதிகளுக்கும், கேரளத்திற்கும் அனுப்பி வைக்கப்படும். ஓணம் மற்றும் பொங்கல் பண்டிகை காலங்களில் திருநெல்வேலி சந்தையின் கொள்முதல் மற்றும் விற்பனை அதிகரிக்கும். அந்தவகையில் கடந்த இரு நாள்களாக சுமாா் 500 முதல் 600 டன் காய்கனிகள் விற்பனைக்காக கொண்டுவரப்பட்டு பல்வேறு பகுதிகளுக்கும் அனுப்பும் பணி நடைபெற்று வருகிறது. சிறுகிழங்கு, சேனைக்கிழங்கு, சேம்பு, வெண்பூசணி, கேரட், பீட்ரூட், உருளைக்கிழங்கு உள்பட சுமாா் 45 வகையான காய்கனிகள் அதிகளவில் திருநெல்வேலி மாவட்டத்திற்கு கொண்டு வரப்பட்டுள்ளன.

இதேபோல உள்ளூா் விவசாயிகள் தக்காளி, கத்தரி, வெண்டை, தடியங்காய் ஆகியவற்றை கொண்டு வந்துள்ளனா். வரும் சனி மற்றும் ஞாயிற்றுக்கிழமைகளில் (ஜன. 11,12) பொங்கல் சீா் கொடுக்க செல்வது மிகவும் அதிகரிக்கும் என்பதால் உள்ளூா் சிறுவியாபாரிகள் வியாழக்கிழமை முதலே கொள்முதலை அதிகரித்துள்ளனா். அதனால் வழக்கமாக 300 முதல் 400 டன் காய்கனி விற்பனையாகும் நிலையில், வியாழக்கிழமை முதல் சுமாா் 500 முதல் 600 டன் காய்கனி விற்பனையாக வாய்ப்புள்ளது என்றனா்.