பொள்ளாச்சி துணைச் சிறையில் சட்டப் பணிகள் ஆணைக்குழு செயலா் ஆய்வு

கோவை மாவட்டம் பொள்ளாச்சி துணைச் சிறையில் சட்டப் பணிகள் ஆணைக்குழுவின் செயலா் ஆய்வு மேற்கொண்டாா்.

தமிழ்நாடு மாநில சட்டப் பணிகள் ஆணையின் உத்தரவின்படியும், மாவட்ட முதன்மை நீதிபதி ஜி.விஜயாவின் வழிகாட்டுதல்படியும் கோவை மாவட்ட சட்டப் பணிகள் ஆணைக்குழுவின் செயலரும், சாா்பு நீதிபதியுமான கே.ரமேஷ், கோவை மாவட்டம் பொள்ளாச்சியில் அமைத்துள்ள துணை சிறைச் சாலைக்கு திங்கள்கிழமை சென்று அங்குள்ள சிறைவாசிகளுடன் உரையாடி சட்ட விழிப்புணா்வு ஏற்படுத்தினாா்.

அத்துடன், அங்குள்ள சிறைவாசிகளுக்கு தேவையான வசதிகள் உரிய முறையில் வழங்கபடுகிா எனவும், அவா்களுக்கு செய்யப்பட்டுள்ள அடிப்படை வசதிகளான தங்குமிடம், குளியலறை, சமையல் கூடம், உணவின் தரம் மற்றும் இல்லத்தில் உள்ளவா்களை தொடா்பு கொள்ள உரிய வாதிகள் செய்யப்பட்டுள்ளதா என்பது குறித்தும் ஆய்வு செய்தாா்.

மேலும், சட்டப் பணிகள் ஆணைக்குழு சாா்பில் உரிய சட்ட உதவிகள் வழங்கப்படுகிா என்பது குறித்தும், சட்டப்பணி ஆணைக்குழு வழக்குரைஞா் வருகைப் பதிவேடு குறித்த ஆவணம் மற்றும் இதர தொடா்புடைய ஆவணங்கள் குறித்தும் ஆய்வு மேற்கொண்டாா்.

ஆய்வின்போது துணை சிறைக் கண்காணிப்பாளா் மாரிமுத்து, பொள்ளாச்சி வட்ட சட்டப் பணிகள் ஆணைக்குழு வழக்குரைஞா் வினுராஜ் மற்றும் சட்டம் சாா்த்த தன்னாா்வ தொண்டா்கள் உடனிருந்தனா்.