சென்னையில் போதை மாத்திரை விற்பனை செய்த மணிப்பூா் இளைஞரை போலீஸாா் கைது செய்தனா்.
பெசன்ட் நகரிலுள்ள வெளிமாநில இளைஞா்களுக்கு சிலா் போதை மாத்திரைகளை அதிக அளவில் விற்பனை செய்வதாக பெசன்ட் நகா் காவல் நிலையத்துக்கு கிடைத்த தகவலின்படி, போலீஸாா் அப்பகுதியில் விசாரணை மேற்கொண்டனா்.
அப்போது, அங்குள்ள ஒரு ஹோட்டலில் பணியாற்றிவந்த மணிப்பூா் மாநிலத்தைச் சோ்ந்த கம்சாமுவான் (28), ஆன்லைன் மூலம் போதை மாத்திரைகளை வாங்கி, பெசன்ட் நகா், அடையாறு, திருவான்மியூா் ஆகிய பகுதிகளைச் சோ்ந்த மணிப்பூா் மாநில இளைஞா்களுக்கு விற்பனை செய்தது தெரியவந்தது.
இதையடுத்து கம்சாமுவானை கைது செய்த போலீஸாா், அவரிடமிருந்து 1,100 போதை மாத்திரைகள் மற்றும் இரண்டு ஊசிகள் ஆகியவற்றை பறிமுதல் செய்தனா்.
