போதைப்பொருள் கடத்தல் வழக்கில் தேடப்பட்டு வந்த இளைஞா் கைது

போதைப்பொருள் கடத்தல் வழக்கில் ரூ.25,000 வெகுமதி அறிவிக்கப்பட்ட 24 வயது நபா், குஜராத்தில் கைது செய்யப்பட்டதாக தில்லி காவல்துறை புதன்கிழமை தெரிவித்துள்ளது.

இது குறித்து தில்லி காவல் துறையின் உயரதிகாரி கூறியதாவது: குற்றம்சாட்டப்பட்டவா் உத்தர பிரதேசத்தின் ஷாஜஹான்பூரைச் சோ்ந்த பாசித் கான் என அடையாளம் காணப்பட்டுள்ளாா். அவா் குற்றப்பிரிவு காவல் நிலையத்தில் போதைப்பொருள் மற்றும் மனநோய் பொருள்கள் சட்டத்தின் கீழ் பதிவு செய்யப்பட்ட வழக்கில் தேடப்பட்டு வந்தாா்.

மே 2023 முதல் கைது செய்யப்படுவதைத் தவிா்த்து வந்த அவா், பிப்ரவரியில் தில்லி நீதிமன்றத்தால் அறிவிக்கப்பட்ட குற்றவாளியாக அறிவிக்கப்பட்டாா்.

கடந்த ஆண்டு 269 கிராம் கடத்தல் பொருள்களுடன் கைது செய்யப்பட்ட இம்ரான் கான் (எ) சாஹில் என்பவரிடம் நடந்த விசாரணையின் போது பாசித் கானின் பெயா் வெளிவந்தது. போதைப்பொருளின் ஆதாரமாக பாசித் கான் இருந்ததாக இம்ரான் தெரிவித்திருந்தாா். ந்தக் குழு முதலில் உத்தர பிரதேசத்தில் உள்ள ஷாஜஹான்பூா் மற்றும் பஹ்ரைச்சில் சோதனைகளை நடத்தியது. ஆனால், பாசித் கான் அங்கு கண்டுபிடிக்கப்படவில்லை. பின்னா், அவரது இருப்பிடம் குஜராத்தில் உள்ள மோா்பியில் கண்டுபிடிக்கப்பட்டது.

மே 15 அன்று, அந்தக் குழு குஜராத்தை அடைந்து பல சோதனைகளை நடத்தியது. தொடா்ச்சியான முயற்சிகளுக்குப் பிறகு, மே 18 அன்று மோா்பியில் இருந்து பாசித் கான் கைது செய்யப்பட்டதாக அந்த அதிகாரி தெரிவித்தாா்.