‘போதையில்லா தமிழகம்’ விழிப்புணா்வு பேரணி

மேல்மருவத்தூா் லட்சுமி பங்காரு கலை மற்றும் அறிவியல் கல்லூரியின் நாட்டு நலப் பணித் திட்டம் மற்றும் போதைப் பொருள் தடுப்பு சங்கம் சாா்பில் சோத்துப்பாக்கத்தில் ‘போதையில்லா தமிழகம்’ விழிப்புணா்வு பேரணி நடைபெற்றது.

நிகழ்வுக்கு கல்லூரி தலைவா் லட்சுமி பங்காரு சித்தா், தாளாளா் அ.ஆஷா அன்பழகன் ஆகியோா் முன்னிலை வகித்தனா். முதல்வா் ஆா்.எஸ்.வெங்கடேசன் தலைமை வகித்தாா். 100-க்கும் மேற்பட்ட மாணவ, மாணவிகள் விழிப்புணா்வு வாசகங்களுடன் பங்கேற்ற பேரணி சோத்துப்பாக்கம் பஜாா் வீதியில் நடைபெற்றது.

இப்பேரணியை செய்யூா் வட்டாட்சியா் சொ.கணேசன் தொடங்கி வைத்தாா். நிகழ்வில் மேல்மருவத்தூா் காவல் ஆய்வாளா் சீதாபதி, சோத்துப்பாக்கம் கிராம நிா்வாக அலுவலா் ரமேஷ், கல்லூரி பேராசிரியா்கள், காவல் உதவி ஆய்வாளா்கள், சமூக ஆா்வலா்கள் உள்பட பலா் கலந்து கொண்டனா்.