தொழில்நுட்ப கோளாறு: ஹெலிகாப்டர் அவசர அவசரமாக சாலையில் தரையிறக்கம்
போலி பங்குச்சந்தை நடத்தி புதுச்சேரியைச் சோ்ந்தவரிடம் ரூ.54 லட்சத்தை இணையவழியில் மோசடி செய்ததாக அஸ்ஸாம் மாநில இளைஞரை புதுச்சேரி இணையவழி குற்ற தடுப்புப் பிரிவு போலீஸாா் வெள்ளிக்கிழமை கைது செய்தனா்.
புதுச்சேரியைச் சோ்ந்தவா் ராஜகுமாரன். இவா், முகநூல் பக்கத்தில் பங்குச்சந்தை விளம்பரத்தை பாா்த்து, அதில் தன்னை இணைத்துக்கொண்டாா். இதையடுத்து, ராஜகுமாரனை மஞ்சு பட்சிசா என்பவா் வாட்ஸ்ஆப் மூலம் தொடா்புகொண்டு பங்குச்சந்தை குறித்த விவரங்களைக் கூறி, முதலீட்டுக்கு 83 சதவீத லாபம் பெற்றுத் தருவதாகத் தெரிவித்தாராம்.
இதை உண்மையென நம்பிய ராஜகுமாரன், பங்குச்சந்தை செயலி மூலம் ரூ.54 லட்சத்து 42 ஆயிரத்து 500-ஐ முதலீடு செய்துள்ளாா். இதையடுத்து, அவா் பதிவிறக்கம் செய்த லிங்கில் பாா்த்தபோது, லாபத்துடன் சோ்த்து ரூ.96 லட்சத்து 3 ஆயிரத்து 669 இருப்பதாக காட்டியுள்ளது.
ஆனால், அந்தப் பணத்தை ராஜகுமாரனால் பெற முடியவில்லை. பின்னா், விசாரித்தபோது அது போலி பங்குச்சந்தை என்பது தெரியவந்தது.
இதுகுறித்து புதுச்சேரி இணையவழி குற்ற தடுப்புப் பிரிவு காவல் நிலையத்தில் ராஜகுமாரன் புகாரளித்தாா். ஆய்வாளா்கள் தியாகராஜன், கீா்த்தி தலைமையிலான போலீஸாா் வழக்குப் பதிந்து விசாரணை நடத்தினா்.
இதில், அஸ்ஸாம் மாநிலம், மோரிகான் மாவட்டத்தைச் சோ்ந்த அஜிபுா் ரகுமான் இந்த பண மோசடியில் ஈடுபட்டது தெரியவந்தது. தொடா்ந்து, புதுச்சேரி இணையவழி குற்றத் தடுப்பு போலீஸாா் அஸ்ஸாம் சென்று, அஜிபுா் ரகுமானை கைது செய்து புதுச்சேரிக்கு வெள்ளிக்கிழமை அழைத்து வந்தனா்.
பின்னா், அவரிடம் நடத்திய விசாரணையில், அஜிபுா் ரகுமான் மீது 30-க்கும் மேற்பட்ட மோசடி புகாா்கள் இருப்பதும், அவரது சசோதரா் வங்கிக் கணக்கில் ரூ.2.50 கோடிக்கு பணப் பரிவா்த்தனை நடந்திருப்பதும் தெரியவந்தது. இதையடுத்து, அஜிபுா் ரகுமான் வசமிருந்த கைப்பேசிகள், சிம்காா்டுகள், பண மோசடிக்கு பயன்படுத்திய 2 மடிக்கணினிகள், மின்னணு சாதனங்கள், ரூ.2 லட்சம் ரொக்கம் ஆகியவற்றை போலீஸாா் பறிமுதல் செய்தனா்.
பின்னா், அவரை புதுச்சேரி நீதிமன்றத்தில் ஆஜா்படுத்தி காலாப்பட்டு மத்திய சிறையில் அடைத்தனா். இந்த வழக்கில் தொடா்புடைய மேலும் மூவரை போலீஸாா் தேடி வருகின்றனா்.
பண மோசடி நபரை கைது செய்த இணையவழி குற்றத் தடுப்புப் பிரிவு போலீஸாரை அப்பிரிவின் முதுநிலை காவல் கண்காணிப்பாளா் நாரா சைதன்யா பாராட்டினாா்.
